იმერეთის მეფე გიორგი Ii
გიორგი II (დ.
1514 — გ. 1583) — იმერეთის მეფე 1565-1583, ბაგრატ III-ის ძე.
| გიორგი II | |
|---|---|
 გიორგი II გელათის მონასტრის ფრესკაზე | |
| იმერეთის მეფე | |
| მმართ. დასაწყისი: | 1565 |
| მმართ. დასასრული: | 1583 |
| წინამორბედი: | ბაგრატ III |
| მემკვიდრე: | ლევანი |
| პირადი ცხოვრება | |
| დაბ. თარიღი: | 1514 |
| გარდ. თარიღი: | 1583 |
| მეუღლე: | 1.რუსუდანი, ჩერქეზების მთავრის ასული 2. თამარ დიასამიძე |
| შვილები: | ლევანი ბაგრატი ალექსანდრე |
| დინასტია: | ბაგრატიონები |
| მამა: | ბაგრატ III |
| დედა: | ელენე |
| ხელმოწერა: | .svg) |
მეფობის პირველ წლებში, ოდიშისა და გურიის მთავართა გათიშვის მიზნით, გურიელს დაუმოყვრდა. ლევან I დადიანმა გიორგი II-ის ტახტიდან ჩამოგდება და მისი ბიძაშვილის ხოსრო ბატონიშვილის გამეფება განიზრახა. მეფის წინააღმდეგ დადიანს შეუკავშირდა ჭილაძეთა საგვარეულოს მეთაური ვარაზ ჭილაძეც. 1565 წელს იანეთთან მომხდარ ბრძოლაში გიორგი II-მ დაამარცხა დადიანი, მისი მომხრეები და საჯავახო დაიპყრო. მეფის გაძლიერების შიშმა დადიანი და გურიელი შეაკავშირა. მათ შეერთებული ძალით წაართვეს გიორგი II-ს საჯავახო და შუაზე გაიყვეს. ამ შინაფეოდალური ომის გარდა გიორგი II-ს ბრძოლა უხდებოდა ოსმალო დამპყრობლების წინააღმდეგაც. 1578 წელს მან ლიხის მთის სიმაგრეებთან დაამარცხა და უკუაგდო ლალა-ფაშას მიერ იმერეთის დასალაშქრად გამოგზავნილი რაზმი.
ციტატა
 | „გიორგი მეფემან მოგვარა ძესა თვისსა ბაგრატს ცოლად დადიანის გიორგისა და, ასული ლევან დადიანისა და აქორწინა მას თანა“ |
ლიტერატურა
- სოსელია ო., ქართული საბჭოთა ენციკლოპედია, ტ. 3, თბ., 1978. — გვ. 159.
- სოსელია ო., ენციკლოპედია „საქართველო“, ტ. 2, თბ., 2012. — გვ. 18.
| წინამორბედი: ბაგრატ III | იმერეთის მეფე 1565 - 1583 | შემდეგი: ლევანი |
This article uses material from the Wikipedia ქართული article გიორგი II (იმერეთის მეფე), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.