პოლიტიკოსი გიორგი ახვლედიანი
გიორგი ახვლედიანი (დ.
7 იანვარი, 1974, თბილისი) — ქართველითეოლოგი, პოლიტიკოსი, ჟურნალისტი.
| გიორგი ახვლედიანი | |
|---|---|
| დაბადების თარიღი | 7 იანვარი, 1974 |
| დაბადების ადგილი | თბილისი |
| მოქალაქეობა |  სსრკ → საქართველო |
| განათლება | თბილისის სახელმწიფო უნივერსიტეტი |
| ეროვნება | ქართველი |
| პარტია | ქრისტიან-დემოკრატიული მოძრაობა (2008-2014) დემოკრატიული მოძრაობა - ერთიანი საქართველო (2014-2020) |
| მეუღლე/ები | დიახ |
| შვილ(ებ)ი | 3 |
ბიოგრაფია
1997 წელს დაამთავრა თბილისის სახელმწიფო უნივერსიტეტი ფილოსოფია-სოციოლოგიის ფაკულტეტი, თეოლოგის სპეციალობით. ტელევიზიაში მუშაობა დაიწყო 1994 წელს. იყო საინფორმაციო გადაცემების „მოამბე“ „ქვიშის საათი“ რედაქტორი და წამყვანი პირველ არხზე. 2000-2003 წლებში შ. გ. „ალიონის“ რედაქტორი და წამყვანი. 2003-2008 წლებში მუშაობდა ტელეკომპანია „იმედში“. იყო ყოველდღიური თოქ-შოუს „ქრონიკა გიორგი ახვლედიანთან ერთად“ რედაქტორი და წამყვანი. ამავე წლებში იყო ყოველკვირეული ტელეჟურნალის „დროება“ ჟურნალისტი. 2008 წელს კოლეგებთან ერთად დააფუძნა ქრისტიან-დემოკრატიული მოძრაობა და იმავე წლის საპარლამენტო არჩევნებში გახდა პარლამენტის წევრი. 2008-2012 წლებში — საქართველოს მე-7 მოწვევის პარლამენტის წევრი პარტიული სიით, საარჩევნო ბლოკი „გიორგი თარგამაძე — ქრისტიან-დემოკრატები“. იყო ფრაქცია „ქრისტიან-დემოკრატების“ თავმჯდომარე. 2014 წელს „დემოკრატიულ მოძრაობასთან“ გაერთიანების შემდეგ, გახდა „დემოკრატიული მოძრაობის“ პოლიტსაბჭოს წევრი. 2020 წლის 5 ივნისს დატოვა „დემოკრატიული მოძრაობა“. წასვლის მიზეზი TV პირველის ეთერში გასული სიუჟეტი იყო, რომლის მიხედვით, ის ხელისუფლებისგან იღებდა დაფინანსებას. ჰყავს მეუღლე შორენა კობერიძე და სამი ვაჟი, ალექსანდრე, ანდრია და ნიკოლოზი.
რესურსები ინტერნეტში
- გიორგი ახვლედიანი — საქართველოს ბიოგრაფიული ლექსიკონი
- გიორგი ახვლედიანი — საქართველოს პარლამენტის ოფიციალური საიტი (მოძველებული / არქივი / ახალი არქივი)
სქოლიო
This article uses material from the Wikipedia ქართული article გიორგი ახვლედიანი (პოლიტიკოსი), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.