Rempelas, utawa karan 'amplas', 'ambril' ya iku kertas kaku kang duwé matrial abrasiv ing lumahé.
Pigunané kanggo ngalusaké siji barang (umpamané nalika gawé mèbel utawa ukiran, utawa nyingkiraké siji lapisan umpamané cèt lawas.
Kayadéné wungkal, ukuran rempelas migunakaké istilah grit, ya iku angka kang nuduhaké alus-kasaré rempelas. Grit kang luwih akèh nuduhaké rempelas iku luwih alus.
Sepisanan rempelas kang kacathet nalika abad pisanan migunakaké thothok kerang, wewijèn lan pasir kang ditemplèkaké ing kertas ngango lém. Uga ana kang nganggo kulit iwak hiu. Malah, masarakat ing Kepulauan Komoro, migunakae kulit fosil urip Coelacanth, kanggo rempelas. Mula-mula rempelas modhèren nggunakaké remukan beling kang diprodhuksi taun 1833 déning John Oakey ing London, kang duwé pabrik bisa ngasilaké rempelas kanthi massal. Remukan beling bisa nggerus kanthi apik, déné pasir kurang apik.Ing taun 1921, 3M kasil nyipta rempelas saka bahan silikon karbida lan lem kang tahan banyu kang bisa digunakaké ing kaanan teles lan garing. Rempelas kang tahan banyu iki ndadékaké rempelas iki bisa digunakaké ing banyu. Pigunané kang pisanan ya iku ing garapan cèt ana pabrik otomotif.
This article uses material from the Wikipedia Basa Jawa article Rempelas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.