Malcolm X (lair 19 Mèi 1924 ing Omaha, Nebraska, Amérikah Sarékat) inggih punika salah satunggalipun tokoh muslim saking bangsa Afrika-Amérika ingkang misuwur kados déné Dr.Martin Luther King ing tansah mbudidaya ngicalaken sadaya dhiskriminasi mliginipun tumrap kaum Afrika-Amérika ingkang asring dipunkonotasikaken kaliyan bangsa négro ingkang tansah dipundhiskriminasi.
Nalika yuswa 20 taun Malcom X dipunkunjara ngantos yuswa 27 taun amargi kasus nyolong. Ing pakunjaran punika Malcom X manggihi pencerahan, inggih amargi sampun wiwit tepang kaliyan agami Islam. Malcom X mangertos bab Islam amargi asring rayinipun ingkang sampun mlebet agami Islam. Amargi wonten pakunjaran ugi, Malcom X tepang kaliyan organisasi NoI lan tokoh Islam saking Amérikah Sarékat, Elijah Muhammad. Nalika yuswanipun 39 taun Malcom X tindak haji dhateng tanah Mekah, awit punika Malcom X wiwit mangertos werdinipun keadilan tumrap sadaya tiyang, tanpa mbentenaken warni kulit, bangsa, lan sapiturutipun. Malcolm X damel organisasi Afrika-Amérika ing tanggal 28 Juni 1964. Nalika tanggal 21 Fèbruari 1965, nalika taksih maringi ular-ular utawi sesorah ing salah satunggalipun hotèl ing New York, Malcom X tilar donya amargi dipunbedhil déning 3 tiyang saking bangsa Afrika-Amérika. Malcom X sampun nyebaraken visi antirasisme lan aji-aji Islam.
Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Malcolm X, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.