Knock, Knock inggih punika filem horor erotis saking Amérikah Sarékat ingkang kadamel taun 2015. Filem punika dipunsutradarani Eli Roth, dhedhasar skénario anggitanipun piyambakipun, sesarengan kaliyan Guillermo Amoedo lan Nicolás López.
Ingkang maragani filem punika antawisipun Keanu Reeves, Lorenza Izzo, lan Ana de Armas. Knock, Knock dipunbabar ing surya 9 Oktober 2015 déning Lionsgate.
Knock Knock | |
---|---|
Disutradarani | Eli Roth |
Diprodhuseri |
|
Diskénariyoni |
|
Carita déning |
|
Dibintangi |
|
Dimusiki | Manuel Riveiro |
Sinématografi | Antonio Quercia |
Dibesut déning | Diego Macho |
Perusahaan prodhuksi |
|
Dibabar déning | Lionsgate Premiere |
Tanggal metu |
|
Suwéné | 99 menit |
Nagara | Amérikah Sarékat |
Basa | Basa Inggris |
Rantaman | $2 yuta |
Kalarisan | $5.2 yuta |
Filem punika nyariyosaken bab satunggalipun priya ingkang sampun sesémahan nemokaken kalih prawan nèm ingkang gesangipun mboten karuan, dumadakan dugi wonten griyanipun. Kawiwitan, Evan (Keanu Reeves) kedah wonten griya saperlu ngrampungaken pedamelanipun, sawatawis sémahipun kaliyan putranipun kekalih sami késah plesiran wonten pasisir. Ing salebetipun udan deres, piyambakipun mireng kori griyanipun dipundhodhog. Nalika dipunbikak, Evan sumerep kalih prawan ayu (Ana De Armas lan Lorenza Izzo) sampun ngadeg kadhemen sangajengipun kori griyanipun. Tiyang èstri kalih punika sampun teles klebes lan nyuwun dhumateng Evan supados dipunparengaken sadrema ngiyup, nggaringaken rasukan, lan ngampil telpun. Nanging pranyatanipun, tiyang èstri kalih punika gadhah niyat ingkang mboten saé, lan Evan mboten mangertos sadèrèngipun.
Film ingkang dipunsutradarani Eli Roth lan skénarionipun kaserat sesarengan kaliyan Guilermo Amoedo lan Nicolas Lopez. Kajawi Keanu Reeves, filem ingkang kadamel déning Dragonfly Entertainment punika ugi dipunsengkuyung déning Lorenza Isso lan Ana de Armas, Ignacia Allamand, Collen Camp, lan Aaron Burns. Knock, Knock pikantuk pakurmatan dipuntepangaken wonten pahargyan Festival Film Sundance ing wulan Januari 2015 lan dipunbabar kanggé sagung pamirsa ing Bèlgi ing wulan Oktober 2015. Kajawi ing Bèlgi, filem punika ugi kababar ing Amérikah Sarékat ing surya 9 Oktober 2015.
Ing surya 4 April 2014, Keanu Reeves sampun kadhapuk minangka juru paraga baku ing filem punika, minangka Evan, satunggalipun priya tentrem rahayu ingkang sampun sesémahan lan patutan kalih. Ignacia Allamand ugi mratélakaken sumadya nyawiji wonten proyèk filem punika. Ing surya 26 Januari 2015, Lionsgate pikantuk ijin kanggé ngedum filem punika. Knock, Knock punika filem versi pedamelan énggal saking cariyos anggitanipun Peter Traynor jejudhul Death Game (1977). Pedamelan filem Knock, Knock dipunwiwiti ing surya 14 April 2014 ing Santiago, Chile, lan rampung ing surya 11 Mèi 2014.
This article uses material from the Wikipedia Basa Jawa article Knock, Knock (filem), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.