(laladan-laladan kang mangkono banjur diarani “laladan-laladan perwalian”).
Ancas
- miara perdamaian lan kaamanan internasional
- ngusahakaké kamajuan kang ndunungi laladan perwalian supaya bisa gawé papréntahan dhéwé utawa kamardikan
- mènèhi surungan supaya ngakoni lan ngurmati hak-hak manungsa saka rakyat-rakyat ing donya
- mesthèkaké perlakuan kang padha ing laladan perwalian djroning bab sosial, ékonomi, lan komersial kanggo kabèh anggota PBB lan kabangsan-kabangsané, sarta perlakuan kang padha kanggo kabangsan kabèh anggota sajeroning ngatur kaadilan ing laladan-laladan kang di jupuk saka nagara-nagara mungsuh akibat perang donya kaloro lan liya-liyané kang kanthi sukarela didèlè ing sangisoré sistem perwalian. Ora ana siji waé nagara kang dadi anggota PBB bisa diatur papréntahané ing sangisoré sistem perwalian.
Tugas lan hak Déwan Perwalian
Déwan Perwalian duwé tugas kanggo nglakokaké kuwajiban Majelis Umum ing bab-bab kang magepokan karo laladan-laladan perwalian, kajaba laladan-laladan strategis kang diurus déning Dewan Keamanan. Adhedhasar panyerahan kuwasa iku Déwan Perwalian diwènèhi hak kanggo:
- Nimbang lapuran-lapuran kang dikirim déning nagara-nagara panguwasa
- Nampa layang-layang panyuwunan banjur nyelidhiki kanthi bebarengan karo nagara-nagara panguwasa
- Ngayahi kunjungan kala-kala menyang laladan perwalian kang disetujoni déning Nagara panguwasa
- Nglakokaké pagawéan-pagawéan kanthi syarat-syarat pasetujon perwalian
Kaanggotaan
Déwan Perwalian dumadi saka 3 golongan anggota ,ya iku:
- Anggota-anggota kang nguasani laladan perwalian
- Anggota-anggota tetep dewan keamanan kang ora nguasani laladan perwakilan (Ruslan lan Tiongkok)
- Sawetara anggota kang dipilih kanggo 3 taun déning majelis umum saéngga anggota-anggota kang nyekel perwalian padha gunggungè karo anggota-anggota kang ora nyekel perwalian
Pranala njaba
This article uses material from the Wikipedia Basa Jawa article Dewan Perwalian PBB, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.