Deddy Mizwar (lair ing Jakarta, 5 Maret 1955; umur 69 taun) ya iku aktor senior, prodhuser lan sutradara Indonesia.
Saliyané iku Deddy Mizwar uga dikenal aktif gawé filem sing nuansané dakwah sing ana pesen agamané nanging uga gawé guyu amarga ana leluconé. Aktor senior pamenang 4 piala citra (kanggo filem) lan 2 piala vidya kanggo sinétron iki wis pengalaman gawé sinétron sing ngusung tema dakwah kaya ta serial Pengembara, Mat Angin, Demi Masa, Kiamat Sudah Dekat lan Para Pencari Tuhan.
Deddy Mizwar | |
---|---|
Lair | Deddy Mizwar Maret 5, 1955 Jakarta, Indonesia |
Bangsa | Indonesia |
Pakaryan | Artis, Sutradara, Prodhuser |
Bojo | R. Giselawati Wiranagara |
Anak | Senandung Nacita Zulfikar Rakita Déwa |
Wong tuwa | Adrian Andres - Sun'ah |
Kesenengan aktor asli Betawi karo babagan seni pancen wis ora usah ditakokaké manèh. Sawisé sekolah dhèwèké wis tau dadi punggawa nagari ana ing Dinas Keséhatan DKI Jakarta, nanging bapak rong anak iki luwih gandrung maen teater, dhèwèké kagabung ana ing Teater Remaja Jakarta (1973). Saka teater iki dalan uripé dhèwèké malih, dhèwèké tau kepilih dadi aktor paling apik ing Festival Teater Remaja kang mapan ana Taman Ismail Marzuki. Taun 1976 dhèwèké wiwit maen filem, filem pertama ya iku Cinta Abadi sing disutradarai déning Wahyu Sihombing, Dedy langsung dadi pemeran utama ana ing filem iku. Puncake ya iku liwat filem Naga Bonar, kapinterane akting ngasilaké patang piala citra ing FFI 1986 lan 1987 ya iku: aktor terbaik FFI ing Arie Hanggara (1986), Pemeran Pembantu terbaik FFI ing Opera Jakarta (1986), aktor terbaik FFI ing Naga Bonar (1987) lan pemeran pembantu terbaik FFI ing Kuberikan Segalanya (1987). Awal taun 90an karir Deddy Mizwar tekan puncaké liwat aktinge sing gawé wong kesengsem. Nanging Deddy Mizwar isih ngrasa kurang, dhèwèké kepengen swasana sing religius. Awit saka iku dhèwèké banjur gawé filem lan sinétron religius. Dhèwèké ngadekake PT Gisela Citra Sinema taun 1996, tekade wis mantep sanajan akèh alangan. Biyèn sinétron religius isih dadi barag kang langka mulane kurang bisa ditrima déning pihak tv nanging kanthi keseriusane Deddy mizwar bisa ndadèkaké sinétron religius akèh ratinge.
Deddy Mizwar iku anak kaping pisan saka nem sadulur, bapake H.Adrian Andres (Walanda-Bugis) lan ibune Sun'ah (Bugis-Betawi) kang nikah taun 1948.
CATATAN: *uga minangka sutradara
Kang sadurungé Alex Komang 1985 | Aktor Terbaik FFI 1986 - 1987 | Kang sawisé Mathias Muchus 1988 |
Kang sadurungé El Manik 1985 | Aktor Pendukung Terbaik FFI Pemenang 1986 | Kang sawisé Darussalam 1987 |
Kang sadurungé Rachmat Hidayat 1991 | Aktor Pendukung Terbaik FFI 1992 | Kang sawisé Surya Saputra 2004 |
Kang sadurungé Albert Fakdawer 2006 | Aktor Terbaik FFI 2007 | Kang sawisé Vino Bastian 2008 |
This article uses material from the Wikipedia Basa Jawa article Deddy Mizwar, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.