Beksan Jurit Ampil Kridha Warastra

Beksan kasebut mimbanaké bab bregada garwa ampil (selir) saka Mangkunagara I utawa Radèn Mas Said (Pangéran Sambernyawa) jroning Prajanjèn Salatiga. Beksan iki kalebu beksan kang ora kaiket déning klumpukan, ateges bisa dibeksanaké kanthi cara klumpuk, pasangan, lan tunggal. Bebakal tradhisional saka beksan kasebut tinemu jroning solah, iringan lagu, sandhangan, lan arès, nanging ing saikiné wis kacampuran kalawan bebakal anyar kang ngetutké lumakuné jaman.

Teges beksan

Beksan Jurit Ampil Kridha Warastra ngemu teges, ya iku jurit kang ateges "prajurit", garwa ampil tegesé "selir" – saka Mangkunagara I, lan warastra kang ateges "gendhéwa" utawa "panah". Beksan kasebut mimbanaké bab bregada garwa ampil (selir) sajroning Prajanjèn Salatiga kang dileksanakaké surya ping 17 Maret 1757. Ing prajanjèn kasebut saben péhak (Hamengkubuwana I, Pakubuwana III, lan Mangkunagara I) sarujuk kanggo gawa lan nuduhaké kadigdayan bregadané. Mangkunagara I uga nuduhaké sawenèh bregada kang ngampigi panjenengané, salah sijiné ya iku Jurit Ampil, utawa golonganing prajurit putri para seliré.

Bebakal beksan

Beksan iki kalebu beksan kang ora kaiket déning klumpukan, ateges bisa dibeksanaké kanthi cara klumpuk, pasangan, lan tunggal. Bebakal tradhisional saka beksan kasebut tinemu jroning solah, iringan lagu, sandhangan, lan paès, nanging ing saikiné wis kacampuran kalawan bebakal anyar kang ngetutké lumakuné jaman. Beksan kasebut uga ana worsuh beksan tradhisional modhèl Surakarta lan beksan rakyat, kang akèh jupuk saka solah kaprajuritan. Déné iringan musik beksan iki migunakaké gamelan Jawa laras pélog saka gendèr, kendhang, demung, saron, kempul, lan gong. Jinis gendhing kang dianggo kayata lancaran, srepeg, lan palaran.

Sandhangan kang dianggo ing ing beksan iki uga sandhangan bregada putri kanthi rambut kang digelung sethithik lan manganggo makutha werna emas. Sandhangan werna biru alengen cendhèk kanthi rerenggan prada mas, sabuk, lan dodot, sarta clana dawané sadhengkul. Gegaman migunakaké endhong, jemparing, nyenyep, gendhewa, lan cundrik. Tata paès para pambeksa duwèni ancas kanggo biyantu neguhaké karakter, budi pakarti, lan solah bawa sawijining prajurit.

Uga delengen

Rujukan

Pranala jaba

Beksan Jurit Ampil Kridha Warastra
Beksan Jurit Ampil Kridha Warastra ing Aksi Sapta Pesona Archived 2020-11-21 at the Wayback Machine.
Beksan Jurit Ampil Kridha Warastra ing Pentas Duta Seni Kutha Salatiga Archived 2020-11-15 at the Wayback Machine.

This article uses material from the Wikipedia Basa Jawa article Beksan Jurit Ampil Kridha Warastra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.