3G utawa Third Generation (cara Jawa: Gènerasi Katelu) iku tèknologi komunikasi mobah (sèlulèr) kang dadi lanjutané gènerasi 2G.
3G diwanuhaké taun 2002. Layanan kang ditawaraké tèknologi 3G luwih akèh, luwih amba, tur luwih maju tinimbang tèknologi sadurungé, kamangka momotan jaringané bisa lumaku kanthi spèktrum kang èfisièn. Layanan kang ditawaraké nglimputi tilpun swara, tilpun vidhio, lan broadband wireless data (pangirimé dhata kanthi nirkabel), kang sakabèhé lumaku ana ing kukuban mobah.
Lumantar 3G, panganggo tilpun sèlulèr bisa ngaksès menyang Internèt kanthi rikat 384 kbps nalika pinuju lumaku, 128 kpbs nalika ing mobil, lan 2 Mbps nalika mapan.
Ana ing gènerasi 2G, tèknologi komunikasi mobah kapérang dadi vèrsi GSM lan CDMA. Ana ing gènerasi 3G, GSM didandani dadi UMTS, déné CDMA didandani dadi EvDO.
Kalebu layanan 3G ya iku HSPA (3.5G) kang bisa ngirim dhata nganti rikat 14.4 Mbit/s (ngundhuh) lan 5.8 Mbit/s (ngunggah).
Ing Indonésia, Direktorat Jenderal Pos dan Telekomunikasi lumantar lélang mutusaké ana operator sèlulèr cacah telu kang tinanggenah nyekel lisènsin pangembangé tèknologi 3G, ya iku Telkomsel, Excelcomindo Pratama, lan Indosat.
This article uses material from the Wikipedia Basa Jawa article 3G, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.