Þorskafjörður

Líkt og aðrir firðir á þessum slóðum er Þorskafjörður grunnur og stendur innsti hluti hans á leirum þegar fjarar. Inn úr honum ganga tveir stuttir og grunnir firðir, Djúpifjörður og Gufufjörður.

Wiki Commons er með margmiðlunarefni sem tengist Þorskafjörður.

Á Skógum í Þorskafirði fæddist skáldið Matthías Jochumsson árið 1835.

Upp úr botni Þorskafjarðar liggur þjóðvegur um Þorskafjarðarheiði yfir í Ísafjarðardjúp. Var hann lagður á árunum 1940-1946 og þjónaði sem aðalleiðin á milli Reykjavíkur og Djúps fram til 1987, þegar vegur um Steingrímsfjarðarheiði var opnaður.

Árið 2021 var fjörðurinn brúaður og var brúin opnuð haustið 2023 fyrir áætlun. Verkinu var áætlað lokið 2024. Verkið var hluti af færslu Vestfjarðarvegar í Gufudalssveit.

Vesturorka er sprotafyrirtæki sem var stofnað með það að markmiði að kanna möguleika á að vinna raforku með því að nýta orku sjávar. Vesturorka hefur kannað virkjanir með þverbrúun í Þorskafirði. Kannanir fela í sér mat á afli og umhverfisröskun. Reiknað var með því að fjörðurinn yrði ekki brúaður og fallið frá hugmyndinni þegar ákveðið var að brúa fjörðinn.

Virkjun

Sjá einnig Sjávarfallavirkjun

Meðalflóðahæðí Þorskafirði er 3.60m og mesta mælda flóðahæðí er 5.66m. Mögulegt er að koma fyrir allt að 10 vélum sem framleiða samanlagt allt að 254 MW

• Hofstaðir
• Kinnarstaðir

• Laugaland
• Gröf
• Þórisstaðir
• Múli
• Kollabúðir
• Skógar

• Kollabúðir; grein í Lesbók Morgunblaðsins 1954