Pako: Grupo ti mulmula

Maigiddiatda manipud kadagiti lumot gapu ta baskularda, kas iti kaadda dagiti espesialisado a kulanit a mangala kadagiti danum ken taraon ken addaan iti siklo iti biag a ti sporophyta ket isu ti katurayan a paset. Kas met dagiti sabali a baskular a mula, dagiti pako ket addaan kadagiti kompleks a bulbulong a makunkuna a dagiti megapilo, ngem narikrikutda ngem dagiti mikropilo dagiti Lycopodiopsida. Kaaduan kadagiti pako ket dagiti pako a leptosporangiate, a sagpaminsan a naibagbaga a kas dagiti agpayso a pako. Agpataudda kadagiti nakulot a saringit nga agukrad ken dumakkel kadagiti dakkel a nabingbingay a bulong. Mangiraman ti grupo dagiti agarup a 10,560 nga ammo a sibibiag a sebbangan. ken dagiti pako nga eusporangiate, ti naudi a naibaga ket mangbukel kadagiti pako a mailaksid kadagiti naibagbaga nga agpayso a pako, a mairaman dagiti ipus ti kabalio, pako a pagbatir, pako a marattioid, ken pako nga ophioglossoid.

Dagiti pako Sakup ti panawen: Naladaw a Deboniano—Agdama PreЄ Є O S D C P T J K Pg N
Taksonomia
Pagarian:	Plantae
Klado:	Tracheophytes
Klase:	Polypodiopsida Cronquist, Takht. & W.Zimm.
Dagiti subklase
Sibibiag Equisetidae Marattiidae Ophioglossidae Polypodiidae Awanen †Cladoxylopsida †Zygopteridales †Stauropteridales †Rhacophytales
Kapada a nagan
Monilophyta Polypodiophyta Filicophyta Filices