Ti pagsasao nga Amis ket ti pagsasao a Formosano ti Amis (wenno Ami), ti maysa a indihenio a tattao nga agtataeng iti igid ti daya nga igid ti baybay ti Taiwan (kitaen ti aborihinio a Taiwanes).
Iti agdama daytoy ti kadakkelan a sasao a Formosano, daytoy ket insasao manipud iti Hualien iti amianan ti Taitung iti abagatan, nga adda sabali a populasion idiay asideg iti akin-abagatan a patingga ti isla, ngem dagiti akin-amianan a karuay ket naikeddengda a sabali a pagsasao.
Amis | |
---|---|
Pangcah [paŋt͡saʜ] | |
Patubo iti | Taiwan |
Etnisidad | Ami |
Patubo a mangisasao | 180,000 (2009) |
Kodkodigo ti pagsasao | |
ISO 639-3 | ami |
Glottolog | amis1246 |
(morado) Kalatakan nga Ami | |
Dagiti serbisio ti gobierno kadagiti kondado a pagtataengan dagiti adu a tattao nga Amis idiay Taiwan kas dagiti estasion ti tren iti Hualien ken Taitung ketagiwaragawagda iti Amis a maikuyog iti Mandarin. Nupay kasta, bassit dagiti Amis iti ub-ubing ngem 20 idi 1995 ket makasao iti pagsasao, ken saan nga ammo no mano dagiti makasao kadagiti 138,000 nga etniko nga Amis.
Ti Amis ket rimpuok ti dialekto. Dagiti akin-amianan a karuay, ti Sakizaya ken Nataoran, ket makaanayda nga agbalbaliw tapno maidasigda a dagiti sabali a pagsasao. Iti kaunegan ti maitutop nga Amis, adda dagiti dialekto a Tavalong-Vata'an, Tengnga, ken Akin-abagatan, ti naud-udi a mairaman ti Malan ken Hengchun Amis.
This article uses material from the Wikipedia Ilokano article Pagsasao nga Amis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.