Սուզանաւերը ստորջրեայ եւ վերջրեայ ծովային նաւեր են։ Անոնց մեծ մասը ռազմանաւեր են, որոնք ռազմական ծառայութիւն կը կատարեն ովկիանոսներուն եւ ծովերուն մէջ։ Ռազմական գործողութիւններու ընթացքին սուզանաւերէն կ'արձակեն հրթիռներ եւ ինքնաշարժ ջրականներ։
1620-1624 թուականներուն միջեւ, Հոլանտացի Քոռնելիս Տրեպպել գիւտարարը կը հնարէ սուզանաւը` Անգլիոյ Ժագ Ա. թագաւորին համար:
Ռուսական Թայֆուն սուզանաւՔոռնելիս Տրեպպելի սուզանաւ
Ան բազմաթիւ փորձեր կը կատարէ Անգլիոյ Թէյմզ գետին մէջ: Այս առաջին սուզանաւը կը յառաջանայ թիերու շնորհիւ եւ կրնայ փոխադրել չորս անձ:
Ֆուլթընի սուզանաւին նախագիծը
1800-ին, Ամերիկացի գիւտարար Ռոպըրթ Ֆուլթըն ֆրանսական կառավարութեան կ'առաջարկէ շինել ընդծովեայ մեքենայ մը` Նոթելիուսը: 6.50 մեթր երկարութեամբ այս գլանը պողպատէ շինուած է: Անիկա կը յառաջանայ շնորհիւ պտուտակի մը, որ քշողը ձեռքով կը դարձնէ:
Լը Փլոնժէօր1863-ին Ֆրանսացիներ Պուրժուա եւ Պրըն կը շինեն շարժակով բանող առաջին սուզանաւը` Լը Փլոնժէօր: Անիկա 42,50 մեթր երկարութիւն ունի եւ կրնայ փոխադրել եօթը հոգի:
1888-ին Ֆրանսացի Կիւսթաւ Զետէ կը հնարէ ելեկտրական շարժակով բանող առաջին սուզանաւը` Լը Ժիմնոթ: Կամաց-կամաց բազմաթիւ երկիրներ պիտի սկսին օժտուիլ սուզանաւերով պատերազմելու համար, որովհետեւ անոնք կարելիութիւնը կու տան առանց նկատուելու` յարձակելու թշնամի նաւերուն վրայ:
1945-ի Բ. Համաշխարհային պատերազմէն ի վեր (1939-1946) աշխարհի մէջ հազարաւոր սուզանաւեր շինուած են: Շնորհիւ հիւլէական ուժանիւթին` անոնք կրնան ջուրին տակ մնալ բազմաթիւ շաբաթներ, նոյնիսկ` բազմաթիւ ամիսներ:
Ծանօթագրութիւններ
This article uses material from the Wikipedia Արեւմտահայերէն article Սուզանաւ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.
