Չինական մեծ պատը, Չինական մեծ պատը շարք մը պաշտպանական կառոյցներու համալիր է, որ կ'երկարի Չինաստանի հիւսիսին եւ Մոնկոլիոյ հարաւին միջեւ: Նման կառոյցներ ստեղծուած են հնագոյն ժամանակներուն քոչուորներէն պաշտպանուելու համար: Կը կարծուի, որ զայն միասնական համալիր դարձուցած է առաջին չին կայսր Ցին Շի Հուանտը (ՔԱ.
259-210 թուականներուն): Ամէնէն երկար եւ լաւագոյն ձեւով պահպանուած հատուածը կառուցուած է Մին տոհմին իշխանութեան օրով: Պատին երկարութիւնը շուրջ 850 քիլոմեթր է` Լիաոնին նահանգէն մինչեւ Կանսու:
Չինական մեծ պատին 2 մեթրնոց մէկ բաժինը փլած է 6,9 աստիճան ուժգնութեամբ երկրաշարժի պատճառով:
8 Յունուար 2022, Ցինհայ նահանգի շրջաններէն մէկուն մէջ արձանագրուած է ուժեղ երկրաշարժ մը, որմէ ետք իշխանութիւնները մշակութային ժառանգութեան կոթողներու ստուգումներ կատարած են երկրաբանական շարժումներու պատճառով վնասուած շրջանին մէջ: Մասնագէտները պատի փլուզումը յայտնաբերած են հարեւան Կանսու նահանգին մէջ: Փլուզումը տեղի ունեցած է երկրաշարժի կեդրոնէն 114 քիլոմեթր հեռաւորութեան վրայ:
Պատի փլած հատուածը կառուցուած է Մին տոհմի իշխանութեան ժամանակ (1368-1644): Վերականգնման համար պաշտպանիչ սարքեր տեղակայուած են պատին տուեալ մասին մէջ:
This article uses material from the Wikipedia Արեւմտահայերէն article Չինական Մեծ Պատը, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.