Լեւոն Մեսրոպ
Լեւոն Մեսրոպ (Մեսրոպեան, 1880, Կոստանդնուպոլիս - 16 Ապրիլ 1960(1960-04-16), Փարիզ), հայ գրող, բանասէր եւ հասարակական-մշակութային գործիչ։
| Լեւոն Մեսրոպ | |
|---|---|
| Ծննդեան անուն | Լեւոն Մեսրոպեան |
| Ծնած է | 1880[1] |
| Ծննդավայր | Կոստանդնուպոլիս[1] |
| Մահացած է | 16 Ապրիլ 1960 |
| Մահուան վայր | Փարիզ[1] |
| Ազգութիւն | Հայ[1] |
| Ուսումնավայր | Ազգային Կեդրոնական Վարժարան |
| Տեսակ | պատմուածք եւ Հեքիաթ |
| Մասնագիտութիւն | գրագէտ, բանասէր, հասարակական գործիչ |
Կենսագրութիւն
- Կրթութիւնը ստացած է Կոստանդնուպոլսոյ մէջ (1904-ին աւարտած Ռոպերթ Քոլէճը):
- Եւրոպա մեկնած, ապա պատերազմէն ետք վերջնականապէս Փարիզ հաստատուած, զբաղած է նախ՝ գորգի առեւտուրով, յետոյ վերջնականապէս նուիրուած է գրականութեան։ Ֆրանսահայ մամուլին եւ Միացեալ Նահանգներու «Հայրենիք» ամսագիրին մէջ՝ հրապարակած է վիպակներ, բանասիրական աշխատանքներ, վէպեր, որոնցմէ անջատ հատորով լոյս տեսած են «Զարի», «Հաշիշին», «Քերպելայի գիշերները» եւ այլն։ Ինչպէս եւ թատերակներ՝ «Մատաթ Րէիս», «Օտարականը», «Շամիրամ Երկրորդ»:
- Ուսումնասիրութիւններէն եւ ժողովածուներէն՝ «Քիւրտիստան եւ Քիւրտերը», «1915 - Աղէտ եւ Վերածնունդ», «Տէր-Զօր»՝ մեծ մասամբ կ'արտացոլացնեն հեղինակին խոր շահագրգռութիւնը հայկական ցեղասպանութեան հիմնահարցին հանդէպ։
- Պարսկերէնէ հայերէն թարգմանած է Օմար Խայյամի քառեակները («Օմար Խայյամ», 1923)։
- 1946-ին եւ 1954-ին մասնակցած է Հայաստանի գրողներու համագումարներուն։
- Լեւոն Մեսրոպ կը մահանայ 1960-ին, Փարիզի մէջ։
- «Ֆրէտ Հարթման եւ Տատա Ռօսթէմ» հրատարակուած է «Հայրենիք» ամսագրին մէջ (1937-ի Օգոստոսէն սկսեալ): Իբր թերթօն վերահրատարակուած է «Ազդակ»ի մէջ, 1988-1989-ին:
Երկեր
- «Կախարդող Լեռը», Ե․, 1955:
Ծանօթագրութիւններ
-1'>↑ 1,0 1,1 1,2 1,3 1,4 1,5 1,6 1,7 1,8 Հայկական սովետական հանրագիտարան — Երևան: 1981. — հատոր 7. — է. 469.
Աղբիւրներ
- «Ֆրէտ Հարթման եւ Տատա Ռօսթէմ», Լեւոն Մեսրոպ, Համազգայինի «Վահէ Սէթեան» հրատարակչատուն։
- «Կենսագրական Բառարան», Գառնիկ Ստեփանեան, Գ. Հատոր, Երեւան, 1990:
This article uses material from the Wikipedia Արեւմտահայերէն article Լեւոն Մեսրոպ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.