Կոյրերու Յատուկ Ֆութպոլ
Կոյրերու Յատուկ Ֆութպոլը յատուկ է ամբողջովին կոյր կամ թեթեւ լոյս նշմարող խաղացողներու:
Խաղին օրէնքները
- Կոյր խաղացողներու ֆութպոլի խաղը ունի իրեն յատուկ օրէնքները: Առաջին հերթին է խաղացողներուն նոյն մակարդակի վրայ գտնուիլը:
- Բոլոր խաղացողները իրենց աչքերը ծածկող դիմակ մը պէտք է գործածեն` ամբողջական մթութիւն մը ստեղծելով:
- Անոնց դաշտը աւելի փոքր է, 20×40 մեթր: Ան պատնէշով մը շրջապատուած է, որպէսզի գնդակը դուրս չերթայ:
- Խումբը կազմուած կ'ըլլայ դաշտի չորս կոյր խաղացողներէ, եւ մէկ տեսնող բերդապահէ մը:
- Խաղը կը տեւէ 30, 40 կամ 50 վայրկեան:
Ձայնին դերը
Խաղացողները, որոնք վարժ են առանց տեսնելու շրջելու, կը դիմեն նաեւ լսողութեան:
ֆութպոլի գնդակը լեցուած է փոքրիկ զանգակներով, որոնք ձայն կը հանեն գլորուելու ընթացքին:
Խաղացողները մտիկ կ'ընեն հակառակորդ բերդին ետեւը կանգնած զիրենք ուղղորդողը, իրենց մարզիչը կամ բերդապահին տուած տեղեկութիւններն ու հրահանգները:
Դէպի գնդակը վազող խաղացող մը պէտք է լուր տայ միւս խաղացողներուն` կանչելով «վոյ», բախումներէն խուսափելու համար: Որպէսզի խաղացողները կարենան լաւ լսել, հանդիսատեսներէն կը պահանջուի լռութիւն: Սակայն, անոնք իրաւունք ունին պոռալու, երբ «կոլ» կը նշանակուի:
Ծանօթագրութիւններ
This article uses material from the Wikipedia Արեւմտահայերէն article Կոյրերու Յատուկ Ֆութպոլ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.