Lamborghini Huracán
Lamborghini Huracán (թափքի կոդը՝ LB724), իտալական Lamborghini կազմակերպության արտադրության սպորտային ավտոմեքենա, որը փոխարինել է Lamborghini Gallardo-ին։ Առաջին անգամ ցուցադրվել է 2014 թվականի մարտին Ժնևյան ցուցասրահում։
| Lamborghini Huracán | |
|---|---|
.jpg) | |
| Ընդհանուր տվյալներ | |
| Տեսակ | ավտոմեքենայի մոդել և ավտոմեքենաների մոդելային շարք |
| Արտադրող | Լամբորգինի |
| Նախորդ | Lamborghini Gallardo? |
| Դաս | Սպորտային ավտոմեքենա |
| Անիվային բազա | 2620 միլիմետր |
| Կայք | lamborghini.com/en-en/models/huracan(անգլ.), lamborghini.com/de-en/modelle/huracan(գերմ.), lamborghini.com/fr-en/modèles/huracan(ֆր.), lamborghini.com/it-en/modelli/huracan(իտալ.), lamborghini.com/es-en/modelos/huracan(իսպ.), lamborghini.com/cn-en/车型/huracan(չին.), lamborghini.com/jp-en/モデル/huracan(ճապոներեն) և lamborghini.com/ru-en/модели/huracan(ռուս.) |
 Lamborghini Huracán Վիքիպահեստում | |
Անվան պատմություն
Huracán կոչել են հին մայաների քամու աստծուն։ Այդ անունն էր կրում նաև 19-րդ դարի վերջին ցլամարտերում հանդես եկող մարտական ցուլը։ Ինչպես Pagani Huayra-ի դեպքում (Huayra-ն ևս քամու աստվածություն էր Հարավային Ամերիկայում), Huracán-ն արտասանվում է առանց առաջին տառի (այսինքն՝ Ուռական)։
Մեքենայի ամբողջական պաշտոնական անվանումն է՝ Lamborghini Huracan LP 610-4։ Վերջին չորս թիվը սովորաբար մատնանշում է հզորությունը ձիաուժերով և քաշակների թիվը։
Տեխնիկական բնութագիր
.jpg)
Lamborghini Huracán LP 610-4 մեքենան ունի 5,2 լիտրանոց 10-գլանային բենզինային մթնոլորտային շարժիչ՝ 610 ձիաուժ հզորությամբ (449 կՎտ) 8,250 պտույտի և 560 Նմ ոլորող մոմենտ ստեղծելու դեպքում՝ 6,500 պտույտի դեպքում։ Մոդելի չոր քաշը 1,422 կգ է, իսկ հզորության զանգվածի հարաբերակցությունը՝ 2.33 կգ/ձիաուժ։ Նախկին Graziano փոխանցման տուփի տեղը հիմա զբաղեցնում է յոթաստիճանոց LDF փոխանցման տուփը՝ երկու կցորդով։ Մինչև 100 կմ/ժ արագացումը տեղի է ունենում 3,2 վայրկյանում։
Առավելագույն արագությունը 325 կմ/ժ է։
LP 580-2
2015 թվականին Լոս Անջելեսի ցուցասրահում ներկայացվել է նոր մոդել՝ Huracán LP 580-2։ Նրա հիմնական տարբերությունը հետին քաշակի ավելացումն էր։ Նաև ոչ մեծ արտաքին փոփոխությունների են ենթարկվել նրա դիմային բախարգելը և դիֆուզորը։ Շարժիչի հզորությունը 610 ձիաուժից մտածված իջեցվել է 580 ձիաուժի։ Մեքենայի զանգվածը նվազել է 33 կիլոգրամով՝ 1422 կգ-ից հասնելով 1389 կգ-ի։
Տեխնոլոգիաներ
Lamborghini Huracán-ն աշխարհում առաջին սերիական ավտոմեքենան է, որը օգտագործում է իներցիալ նավարկության համակարգ (LPI — Lamborghini Piattaforma Inerziale)։ Հիրոսկոպիկ սենսորների և աքսելերոմետրի օգտագործումը թույլ է տալիս իրականացնել ավելի ճշգրիտ չափումներ ավտոմեքենայի շարժման համար, դրանով իսկ զգալիորեն ավելանում է նրա կառավարելիության որակը։
Ծանոթագրություններ
Արտաքին հղումներ
This article uses material from the Wikipedia Հայերեն article Lamborghini Huracán, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.