Փոլ Ռայան: ամերիկացի քաղաքական գործիչ
Փոլ Դեյվիս Ռայան (անգլ.՝ Paul Davis Ryan, հունվարի 29, 1970(1970-01-29), Janesville, Վիսկոնսին), ամերիկացի քաղաքական գործիչ, ԱՄՆ Ներկայացուցիչների պալատի 62-րդ խոսնակ։ Այդ պաշտոնը սկսել է զբաղեցնել 2015 թվականի հոկտեմբերի 29-ից։ Առաջին անգամ դարձել է կոնգրեսմեն 1999 թվականին՝ ընտրվելով Վիսկոնսին նահանգից։ 2012 թվականի նախագահական ընտրությունների ժամանակ եղել է հանրապետական կուսակցության փոխնախագահի թեկնածու։ Այդ ժամանակ նախագահի թեկնածու Միթ Ռոմնին և Փոլ Ռայանը պարտվեցին Բարաք Օբամային և Ջո Բայդենին։
| Փոլ Ռայան | |
 | |
| Կուսակցություն՝ | ԱՄՆ Հանրապետական կուսակցություն |
|---|---|
| Կրթություն՝ | Մայամիի համալսարան (1992), Joseph A. Craig High School? (1988), Վաշինգտոնի ամերիկյան համալսարան և Marian College, Dublin? |
| Մասնագիտություն՝ | քաղաքական գործիչ, congressional staff և congressional staff |
| Դավանանք | Հռոմի Կաթոլիկ եկեղեցի |
| Ծննդյան օր | հունվարի 29, 1970[…] (54 տարեկան) |
| Ծննդավայր | Janesville, Վիսկոնսին |
| Քաղաքացիություն |  ԱՄՆ |
| Ամուսին | Janna Little? |
| Կայք՝ | paulryan.house.gov |
| Ինքնագիր |  |
Ռայանը տնտեսական քաղաքականության հարցերի վերաբերյալ ունի ծայրահեղ պահպանողական հայացքներ, այդ թվում նաև «Մեդիքեեր» առողջապահական ծրագրի վերաբերյալ։
Կենսագրություն
Ծնվել և մեծացել է ԱՄՆ Վիսկոնսին նահանգի Ջեյնսվիլ քաղաքում։ Տնտեսագիտության և քաղաքագիտության բակալավրի աստիճան է ստացել Օհայո նահանգի Մայամի համալսարանում։
1990-ական թվականներին աշխատել է որպես սենատոր Ռոբերտ Կաստենի օգնական։ Վերջինս 1981- 1993 թվականներին եղել է Վիսկոնսին նահանգի սենատոր։ Եղել է նաև կոնգրեսմեն Ջեք Քեմփի սփիչռայթերը (ճառերի հեղինակը)։
1998 թվականի նոյեմբերին Ռայանը ընտրվել է որպես կոնգրեսմեն՝ Վիսկոնսին նահանգի 1-ին շրջանից։ Իր պարտականությունների կատարմանն է անցել 1999 թվականի հունվարին։
Փոլ Ռայանը անդադար վերընտրվել է կոնգրեսմենի պաշտոնում՝ ամեն անգամ ստանալով 55- 68 % ձայն։
2011- 2015 թվականներին Ռայանը գլխավորել է Ներկայացուցիչների պալատի բյուջետային հարցերով կոմիտեն, որտեղ գլխավորել է նաև բյուջեի հարցերով հանրապետական կուսակցության հանձնաժողովը։ Նախագահ Բարաք Օբամայի առաջարկած բյուջեի նախագծին հակառակ, 2012 թվականին Ռայանը ներկայացրել է «Բարգավաճման նախագիծ» ծրագիրը, որտեղ առաջարկում էր փոփոխություններ իրականցնել նաև «Մեդիքեեր» ծրագրում։
2015 թվականին հոկտեմբերի 29-ին՝ Ջոն Բեյների թոշակի անցնելուց հետո, ընտրվել է ԱՄՆ Ներկայացուցիչների պալատի խոսնակ։ Նույն օրը անցել է լիազորությունների կատարմանը։
Այն բանից հետո, երբ 2016 թվականի մայիսի 4-ին Դոնալդ Թրամփը փրայմերիզի արդյունքում ընտրվեց հանրապետական կուսակցության թեկնածու, Փոլ Ռայանը հրաժարվեց սատարել նրան՝ հայտարարելով, որ դեռևս պատրաստ չէ անելու այդ քայլը։ Ռայանը, պաշտոնապես, աջակցություն է հայտնել Թրամփին հունիսի 2-ին, սակայն շարունակել է մշտապես քննադատել նրան։
Անձնական կյանք
- Մայր՝ Յանա,
- Որդիներ՝ Սեմ և Չարլի,
- Դուստր՝ Լիզա
Ծանոթագրություններ
 | Վիքիպահեստն ունի նյութեր, որոնք վերաբերում են «Փոլ Ռայան» հոդվածին։ |
This article uses material from the Wikipedia Հայերեն article Փոլ Ռայան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.