Ցյուրիխի Օպերային Թատրոն

**Ցյուրիխի օպերային թատրոն**
Ցյուրիխի օպերային թատրոն;
Տեսակ	օպերային թատրոն և թատրոն
Երկիր	Շվեյցարիա
Գտնվելու վայրը	Ցյուրիխ
Հիմնադրման ամսաթիվ	1965
Ճարտարապետ	Fellner & Helmer
	Opernhaus Zürich Վիքիպահեստում

Պատմություն

Առաջին մշտական թատրոնը՝ Aktientheater-ը կառուցվել է 1834 թվականին։ Այս թատրոնը եղել է Ռիխարդ Վագների գործունեության կիզակետում Գերմանիայից «աքսորի» ժամանակ։ 1890 թվականին թատրոնի շենքը հրդեհվել է, թատերախումբը տեղափոխվել է վերակառուցված StadttheaterZurich (Ցյուրիխի քաղաքային թատրոն) թատրոնի շենք։ Այս թատրոնը, որը մինչև 1925 թվականը եղել է քաղաքի դրամատիկական, օպերային և երաժշտական ներկայացումների անցկացման հիմնական վայրը, այնուհետև վերանվանվել է Ցյուրիխի օպերային թատրոն։ Հետագայում կառուցվել է առանձին շենք։ 1970-ականների սկզբին օպերայի շենքը հիմնանորոգման կարիք է ունեցել։ Տեսակետ կար, որ նպատակահարմար չէ վերականգնել թատրոնը և առաջ է քաշվել նոր թատրոն կառուցելու գաղափարը։ Սակայն 1982-1984 թվականներին շենքը վերանորոգվել է և քաղաքում զանգվածային բողոքի ակցիաներ են տեղի ունեցել շենքի վերակառուցման դեմ։ Վերանորոգված թատրոնն իր աշխատանքը սկսել է Ռիխարդ Վագների «Նյուրնբերգի մայսթերզինգերները» օպերայի բեմադրությամբ և շվեյցարացի կոմպոզիտոր Ռուդոլֆ Քելտերբորնի «Բալի այգին, օպերայի համաշխարհային պրեմիերայով (Անտոն Չեխովի համանուն պիեսի հիման վրա)։ Վերակառուցումից հետո թատրոնի շենքը դարձել է հարուստ գեղազարդված շինություն՝ սպիտակ և մոխրագույն քարից նեոկլասիկական ճակատով, որը զարդարված է Վեբերի, Վագների և Մոցարտի կիսանդրիներով, տեղադրված են նաև Շիլլերի, Շեքսպիրի և Գյոթեի կիսանդրիները։ Դահլիճը զարդարված է ռոկոկո ոճով և կարող է տեղավորել մոտ 1200 հանդիսատես։

Օպերայի ստուդիա

Ցյուրիխի օպերային թատրոնում է գտնվում նաև Միջազգային օպերային ստուդիան (գերմ.՝ Internationales Opernstudio IOS), որը կրթական ծրագիր է երիտասարդ երգիչների և դաշնակահարների համար։ Ստուդիան ստեղծվել է 1961 թվականին։ Այստեղ դասավանդում են ճանաչված արվեստագետներ, ինչպիսիք են Բրիջիթ Ֆասբենդերը, Հեդվիգ Ֆասբենդերը, Անդրեաս Հոմոկկին, Ռոզմարի Ջոշուան, Ադրիան Քելլին, Ֆաբիո Լուիսին, Ջեցկե Մինսենը, Էն Մյուրեյը, Էյտան Պեսսենը կամ Էդիթ Վիենսը։

1980 թվականի երիտասարդական բողոքի ցույցեր

Ի պատասխան Օպերայի համար բարձր սուբսիդիաների տրամադրման և Ցյուրիխում երիտասարդության համար մշակութային ծրագրերի բացակայության, 1980 թվականի մայիսին տեղի են ունեցել բողոքի մեծ ցույցեր։ Բողոքի ցույցերը հայտնի են դարձել որպես Opernhauskrawalle երիտասարդական բողոքի ցույցեր – Züri brännt, որը նշանակում է «Ցյուրիխն այրվում է», ինչպես փաստագրված է 1981 թվականի շվեյցարական համանուն վավերագրական ֆիլմում։

Ֆինանսավորում

Ներկայումս Ցյուրիխի օպերային թատրոնը բաժնետիրական ընկերություն է, որը ֆինանսավորվում է Ցյուրիխի կանտոնի կողմից, իսկ գլխավոր հովանավորները Շվեյցարիայի երկու խոշորագույն բանկերն են՝ CreditSuisse-ը և UBS-ը։

Պատկերասրահ

Օպերային թատրոնը Ցյուրիխ լճի կողմից
Հանդիսականների սրահի ինտերիեր
Նախասրահ
Աստիճանավանդակ

Ծանոթագրություններ

Արտաքին հղումներ

Պաշտոնական կայք

Վիքիպահեստն ունի նյութեր, որոնք վերաբերում են «Ցյուրիխի օպերային թատրոն» հոդվածին։

This article uses material from the Wikipedia Հայերեն article Ցյուրիխի օպերային թատրոն, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.