Սուրբ Եղնիկի Սպանությունը
«Սուրբ եղնիկի սպանությունը» (անգլ.՝ The Killing of a Sacred Deer), ռեժիսոր Յորղոս Լանտիմոսի բրիտանա-ամերիկյան դրամատիկական ֆիլմ։ Ֆիլմը մասնակցել է 2017 թվականի Կաննի կինոփառատոնի հիմնական մրցույթին, որտեղ Յորղոս Լանտիմոսը և Էֆթիմիս Ֆիլիպուն արժանացել են լավագույն սցենարի մրցանակին։ Միացյալ Նահանգներում ֆիլմի պրեմիերան կայացել է 2017 թվականի հոկտեմբերի 27-ին։
 անգլ.՝ The Killing of a Sacred Deer | |
|---|---|
 | |
| Երկիր | .svg){kind=small} Միացյալ Թագավորություն Իռլանդիա |
| Ժանր | դրամա, թրիլեր և սարսափ ֆիլմ |
| Թվական | հոկտեմբերի 12, 2017, դեկտեմբերի 28, 2017, նոյեմբերի 9, 2017 և 2017 |
| Լեզու | անգլերեն |
| Ռեժիսոր | Յորգոս Լանտիմոս |
| Պրոդյուսեր | Յորգոս Լանտիմոս և Էնդրյու Բոնար Լոու |
| Սցենարի հեղինակ | Յորգոս Լանտիմոս և Էֆթիմիս Ֆիլիպու |
| Դերակատարներ | Նիկոլ Քիդման, Քոլին Ֆարել, Ալիսիա Սիլվերսթոուն, Ռեֆի Քեսիդի, Բարրի Քեոգան և Բիլ Քեմփ |
| Օպերատոր | Տիմիոս Բակատատակիս |
| Մոնտաժ | Յորգոս Մավրոպսարիդիս |
| Պատմվածքի վայր | Օհայո |
| Տևողություն | 109 րոպե |
 The Killing of a Sacred Deer Վիքիպահեստում | |
Սյուժե
Ֆիլմը պատմում է սրտավիրաբույժ Սթիվեն Մերֆիի մասին, որը ծանոթանում է 16-ամյա Մարտինի՝ մի քանի տարի առաջ վիրահատության ժամանակ մահացած հիվանդի որդու հետ։ Սթիվենը դեռահասին նվերներ է տալիս և ծանոթացնում իր ընտանիքի հետ, սակայն շուտով սկսում է խուսափել չափազանց պնդերես ծանոթից։ Մի օր բժիշկ Բոբի կրտսեր որդին դադարում է ոտքերը զգալ։ Հետազոտությունները ոչինչ չեն տալիս. ըստ բոլոր վերլուծությունների՝ նրա վիճակը պետք է նորմալ լինի։ Տեղի ունեցածի առեղծվածը բացահայտում է Մարտինը. Սթիվենը, որին պատանին մեղավոր է համարում հոր մահվան համար, պետք է բարդ ընտրություն կատարի և զոհաբերի իր ընտանիքի անդամներից որևէ մեկին, այլապես նրա բոլոր մերձավորները կմահանան մեկը մյուսի հետևից...
Դերերում
- Քոլին Ֆարել՝ բժիշկ Սթիվեն Մըրֆի, Աննայի ամուսինը, Բոբի և Քիմի հայրը
- Նիկոլ Քիդման՝ Աննա Մըրֆի, Սթիվենի կինը, Բոբի և Քիմի մայրը
- Բարրի Քեոգան՝ Մարտին, Քիմի մտերիմ ընկերը
- Ռեֆի Քեսիդի՝ Քիմ Մըրֆի, Սթիվենի և Աննայի կինը, Բոբի քույրը
- Սանի Սուլջիկ՝ Բոբ Մըրֆի, Սթիվենի և Աննայի որդին, Քիմի եղբայրը
- Ալիսիա Սիլվերսթոուն՝ Մարտինի մայրը
- Բիլ Քեմփ՝ Մեթյու Ուիլյամս
Արտադրություն
2016 թվականի մայիսի 11-ին հայտարարվել է, որ Քոլին Ֆարելը միացել է դերասանական կազմին, իսկ Յորղոս Լանտիմոսը և Էֆթիմիս Ֆիլիպուն կգրեն ֆիլմի սցենարը։ 2016 թվականի հունիսին Նիկոլ Քիդմանն ընտրվել է Ֆարելի կերպարի կնոջ դերի համար։ Օգոստոսին դերասանական կազմին միացել են Ալիսիա Սիլվերսթոունը, Ռեֆի Քեսիդին, Բիլ Քեմփը, Բարրի Քեոգանը և Սանի Սուլջիչը։
Նկարահանումներ
Հիմնական նկարահանումներն անցկացվել են Ցինցինատի քաղաքում՝ Քրիստոսի հիվանդանոցում։
Քննադատություն
Ֆիլմը կինոքննադատների կողմից ստացել է դրական արձագանքներ։ «Rotten Tomatoes» ֆիլմն ունի 79 % վարկանիշ՝ հիմնված 196 գրախոսության վրա, միջին բալը 10-ից կազմում է 7,7։ «Metacritic» կայքում ֆիլմը 100 միավորից ունի 73 միավոր՝ հիմնված քննադատների 45 գրախոսության վրա, որը համապատասխանում է «ընդհանուր առմամբ դրական արձագանքներ» կարգավիճակին։
Մրցանակներ և անվանակարգեր
- 2017՝ Կաննի կինոփառատոնում մրցանակ լավագույն սցենարի համար (Էֆթիմիս Ֆիլիպու, Յորղոս Լանտիմոս)։
- 2017՝ Սիջեսի կատալոնական կինոփառատոնում քննադատների մրցանակ (Յորղոս Լանտիմոս)։
- 2017՝ մասնակցություն Գենտի կինոփառատոնի մրցութային ծրագրին։
- 2017՝ Եվրոպական կինոակադեմիայի մրցանակի երեք անվանակարգ՝ եվրոպացի լավագույն ռեժիսոր (Յորղոս Լանտիմոս), եվրոպացի լավագույն սցենարիստ (Էֆթիմիս Ֆիլիպու, Յորղոս Լանտիմոս), եվրոպացի լավագույն դերասան (Քոլին Ֆարել)։
- 2018՝ «AACTA Awards» մրցանակի առաջադրում՝ երկրորդական պլանի կնոջ լավագույն դերի համար (Նիկոլ Քիդման)։
- 2018՝ «Անկախ ոգի» մրցանակի երկու անվանակարգ՝ երկրորդական պլանի տղամարդու լավագույն դեր (Բարրի Քեոգան), լավագույն օպերատորական աշխատանք (Թիմիոս Բակատակիս)։
- 2018՝ կինոքննադատների լոնդոնյան խմբակի մրցանակի առաջադրում՝ տարվա լավագույն բրիտանական կամ իռլանդական դերասանի համար (Քոլին Ֆարել)։
Ծանոթագրություններ
 | Վիքիպահեստն ունի նյութեր, որոնք վերաբերում են «Սուրբ եղնիկի սպանությունը» հոդվածին։ |
This article uses material from the Wikipedia Հայերեն article Սուրբ եղնիկի սպանությունը, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.