Նադեժդա Միխայլովա
Նադեժդա Միխայլովա (բուլղար․՝ Надежда Михайлова, լրիվ անունը՝ Նադեժդա Նիկոլովա Միխայլովա, երկրորդ ամուսնությունից հետո ազգանունը՝ Նեյսկի, օգոստոսի 9, 1962(1962-08-09), Սոֆիա, Բուլղարիա), բուլղարացի քաղաքական և պետական գործիչ։ Բուլղարիայի արտաքին գործերի նախարար (1997-2001), Դեմոկրատական ուժերի միության նախագահ (2002, մարտ - 2005, հոկտեմբեր), Բուլղարիայի խորհրդարանի պատգամավոր (37-րդ, 38-րդ, 39-րդ և 40-րդ)։ 2009 թվականին եղել է Եվրոպական խորհրդարանի անդամ։
| Նադեժդա Միխայլովա | |
 | |
| Կուսակցություն՝ | Դեմոկրատական ուժերի միություն և Blue Coalition? |
|---|---|
| Կրթություն՝ | Սոֆիայի համալսարան և Alphonse-de-Lamartine High School? |
| Մասնագիտություն՝ | քաղաքական գործիչ |
| Ծննդյան օր | օգոստոսի 9, 1962 (61 տարեկան) |
| Ծննդավայր | Սոֆիա, Բուլղարիա |
| Քաղաքացիություն |  Բուլղարիա |
| Ամուսին | Svetlin Neynski? և Q107010807? |
| Պարգևներ |  |
Կենսագրություն
Նադեժդա Միխայլովան ծնվել է 1962 թվականի օգոստոսի 9-ին Սոֆիայում։ Սովորել է Սոֆիայի Իվան Դենկօղլուի անվան № 127 միջնակարգ դպրոցում։ Այնուհետև իսպաներեն է սովորել «Alphonse de Lamartine» 9-րդ ֆրանսիական դպրոցում։ 1985 թվականին ավարտել է Սոֆիայի համալսարանի բանասիրական ֆակուլտետը։ Մինչև Բուլղարիայում ժողովրդավարական փոփոխությունների սկսվելը, աշխատել է իսպանական պոեզիայի և անգլերեն գրականության թարգմանիչ և անկախ լրագրող։ Ամուսնությունից հետո ամուսնու` Կամեն Միխայլովի հետ աշխատել է Եգիպտոսում, որտեղ ամուսինը եղել է «Տեխնոէքսպորտ» արտաքին առևտրային ընկերության տնօրենի տեղակալը։
Քաղաքական գործունեությունը սկսել է 1989 թվականին վերստեղծված Ռադիկալ դեմոկրատական կուսակցությունում, որն ընդգրկված էր Դեմոկրատական ուժերի միություն (ԴՈՒՄ) կոալիցիայի մեջ։ 1991 թվականի նախընտրական քարոզարշավի ժամանակ ղեկավարել է ԴՈՒՄ-ի մամուլի կենտրոնը, ընտրություններից հետո դարձել մամուլի կենտրոնի ղեկավար՝ ներկայացնելով Ֆիլիպ Դիմիտրովի կառավարությունը։ 1994 թվականին ընտրվել է Բուլղարիայի խորհրդարանի պատգամավոր։ 1995 թվականի ապրիլին դարձել է ԴՈՒՄ-ի նախագահի տեղակալ։ 1997 թվականին նորից ընտրվել է ազգային ժողովի պատգամավոր, աշխատել Արտաքին գործերի նախարարությունում՝ Իվան Կոստովի կառավարությունում (1997-2001)։ 1999-2006 թվականներին եղել է Եվրոպական ժողովրդական կուսակցության (ԵԺԿ) փոխնախագահը և ԵԺԿ արտաքին հարաբերությունների կոմիտեի համանախագահը։
2001 թվականին Նադեժդա Միխայլովան նորից ընտրվում է Բուլղարիայի ազգային ժողովի պատգամավոր՝ դառնալով Միացյալ դեմոկրատական ուժերի (ՄԴՈՒ) խորհրդարանական խմբակցության նախագահ։ 2002 թվականի մարտի 11-ին ընտրվում է ՄԴՈՒ-ի նախագահ։ 2005 թվականին հերթական անգամ ընտրվում է Ազգային ժողովի պատգամավոր։
2004 թվականին Նադեժդա Միխայլովան դառնում է Հարավարևելյան Եվրոպայի ժողովրդավարության և կայունության ինստիտուտի նախագահը։ 2006 թվականից Միխայլովան համարվում է Ժողովրդավարական կոալիցիայի Միջազգային խորհրդատվական խորհրդի անդամ և Հարավային համագործակցության խորհրդին կից Հարավային Սուդանի կլոր սեղանի Խորհրդատվական խմբի անդամ։
2007 թվականից համարվում է Բուլղարիայի փոքր և միջին ձեռնարկությունների միության նախագահը։ Նույն տարում ընտրվում է Եվրոպական ժողովրդական կուսակցության փոքր և միջին ձեռնարկությունների փոխնախագահ։
2009-2014 թվականներին եղել է Եվրախորհրդի պատգամավոր։ 2015 թվականի կեսերից համարվում է Բուլղարիայի դեսպանը Թուրքիայում։
Պարգևներ
Նադեժդա Միխայլովայի պարգևների թվում են Պատվո լեգիոնի շքանշանը (երկկողմանի հարաբերությունների և համաեվրոպական գործերի զարգացման հարցերում ավանդի համար), ինչպես նաև այլ եվրոպական երկրների պարգևներ։
Ընտանիք
1983 թվականին Նադեժդան ամուսնացել է Կամեն Միխայլովի հետ, նրանք ունեն երկու աղջիկ՝ Նինան և Վիոլետան։ 2006 թվականին Նադեժդան և Կամենը ամուսնալուծվել են։
Երկրորդ անգամ ամուսնացել է 2009 թվականի հոկտեմբերի 3-ին, Եվրախորհրդարանի պատգամավոր և բիզնեսսմեն Սվետլին Նեյսկու հետ։ Ամուսնությունը կայացել է Մադրիդում՝ Բուլղարիայի դեսպանատանը։
Ծանոթագրություններ
Արտաքին հղումներ
This article uses material from the Wikipedia Հայերեն article Նադեժդա Միխայլովա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.