Հալմստադ (շվեդերեն՝ Halmstad), նավահանգստային քաղաք Շվեդիայի հարավարևմտյան մասում։ 91.800 բնակիչ ունեցող նույնանուն համայնքի և 299.484 բնակիչ ունեցող Հալանդ գավառի վարչական կենտրոնն է։ Բուն քաղաքը, որն ընկած է Նիսան գետի՝ Կատեգատ նեղուցը թփվելու վայրի մոտ, ունի 58.577 բնակիչ։
Բնակավայր | |||
---|---|---|---|
Հալմստադ | |||
շվեդ.՝ Halmstad | |||
| |||
Երկիր | Շվեդիա | ||
Մակերես | 3799±0,5 հեկտար | ||
ԲԾՄ | 11±1 մետր | ||
Բնակչություն | ▲71 316 մարդ (դեկտեմբերի 31, 2020) | ||
Ժամային գոտի | UTC+1 և UTC+2 | ||
Պաշտոնական կայք | halmstad.se(շվեդ.) | ||
| |||
Քաղաքը, որ պատմական փաստաթղթերում Հալմստադ անվանումով առաջին անգամ հիշատակվել է 1241 թվականին, միջին դարերում հաճախ ծառայել է որպես հյուսիսային երեք թագավորությունների միապետների ու պատվիրակների հանդիպավայր։ Մինչև 1645 թվականը պատկանել է Դանիային, իսկ այնուհետև՝ Շվեդիային։
Ներկայիս Հալմստադը հակադրությունների քաղաք է, որտեղ մոդեռն ոճի նորակառույցները վեր են խոյանում հին քաղաքամասի միջնադարյան գերանակապ շենքերից ոչ մեծ հեռավորության վրա։ Պատմամշակութային գլխավոր հուշարձաններն են՝ գոթիկա ոճով 14-րդ դարում կառուցված եկեղեցին և Վերածննդի դարաշրջանի ճարտարապետության երևելի նմուշ համարվող դղյակը (15-րդ դար)։ Քաղաքի տեսարժան վայրերից են նաև գլխավոր հրապարակը՝ «Եվրոպան ու ցուլը» շատրվանով (քանդակագործ՝ Կարլ Միլլես), գրավիչ զբոսայգիները, մերձակա անտառակը, որտեղ բաց երկնքի տակ գործում է թանգարան՝ հնակերպ ագարակատներով, գեղջկական գործիքներով ու կենցաղային առարկաներով։ Քաղաքից ոչ հեռու Տիլյոսանդ սիրված առողջարանն է։ Զբոսաշրջիկների ու հանգստացողների ուշադրությանն է արժանանում նաև 1983 թվականից գործող համալսարանըG: Նրանցից շատերը այցելում և հետաքրքիր ու բովանդակալից ժամանակ են անցկացնում երկու թանգարան-պատկերասրահների՝ Halland Konstmuseum-ի և Mjellby Konstmuseum-ի ցուցասրահներում ևս։
Հալմստադի տնտեսության գլխավոր ճյուղերն են շինարարությունը, տեքստիլի ու գարեջրի, ինչպես նաև՝ յուրահատուկ տեխնոլոգիայով ծխահարված (ապխտած) սաղմոն ձկնատեսակի արտադրությունը։
Հալմստեդում ֆուտբոլային ակումբ հիմնվել է դեռևս 1914 թվականին։ Ներկայումս քաղաքի թիմը մասնակցում է Շվեդիայի ֆուտբոլի բարձրագույն խմբի առաջնությանը։
Քաղաքի բնակչության թվաքանակի փոփոխությունները 1970–2015 թթ. | ||||
---|---|---|---|---|
Տարին | Բնակիչները | |||
1970 | 49 725 | |||
1975 | 49 558 | |||
1980 | 48 798 | |||
1990 | 48 880 | |||
1995 | 51 404 | |||
2000 | 53 487 | |||
2005 | 55 688 | |||
2010 | 58 577 | |||
2015 | 66 124 | |||
Աղբյուրը՝ SCB - Statistika Centralbyrån, Folkmängden per tätort. Vart femte år 1960 - 2016 |
Հալմստադն ունի Սկանդինավյան թերակղզու հարավային հատվածին բնորոշ, համեմատաբար խոնավ ցամաքային կլիմա՝ տաք ամառներով ու ցուրտ ձմեռներով։
Հալմստադի կլիմայական տվյալները | |||||||||||||
---|---|---|---|---|---|---|---|---|---|---|---|---|---|
Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | Տարի |
Ռեկորդային բարձր °C (°F) | 9.6 (49.3) | 13.2 (55.8) | 19.3 (66.7) | 28.1 (82.6) | 29.1 (84.4) | 34.2 (93.6) | 34.0 (93.2) | 33.0 (91.4) | 27.6 (81.7) | 21.4 (70.5) | 14.9 (58.8) | 11.0 (51.8) | 34.0 (93.2) |
Միջին բարձր °C (°F) | 2.0 (35.6) | 2.4 (36.3) | 6.3 (43.3) | 12.7 (54.9) | 17.1 (62.8) | 20.0 (68) | 22.8 (73) | 21.8 (71.2) | 17.7 (63.9) | 11.7 (53.1) | 7.3 (45.1) | 3.8 (38.8) | 12.1 (53.8) |
Միջին օրական °C (°F) | −0.2 (31.6) | −0.2 (31.6) | 2.5 (36.5) | 7.6 (45.7) | 12.1 (53.8) | 15.1 (59.2) | 18.0 (64.4) | 17.4 (63.3) | 14.6 (58.3) | 8.5 (47.3) | 5.0 (41) | 1.6 (34.9) | 8.5 (47.3) |
Միջին ցածր °C (°F) | −2.4 (27.7) | −2.4 (27.7) | −1.2 (29.8) | 2.4 (36.3) | 7.1 (44.8) | 10.2 (50.4) | 13.3 (55.9) | 13.0 (55.4) | 9.5 (49.1) | 5.2 (41.4) | 2.7 (36.9) | −0.6 (30.9) | 4.7 (40.5) |
Ռեկորդային ցածր °C (°F) | −26.2 (−15.2) | −25.7 (−14.3) | −23.0 (−9.4) | −10.7 (12.7) | −4.4 (24.1) | 0.2 (32.4) | 3.0 (37.4) | 2.5 (36.5) | −3.0 (26.6) | −9.6 (14.7) | −16.6 (2.1) | −23.2 (−9.8) | −26.2 (−15.2) |
Տեղումներ մմ (դյույմ) | 61.8 (2.433) | 38.0 (1.496) | 51.3 (2.02) | 43.4 (1.709) | 44.9 (1.768) | 64.4 (2.535) | 82.2 (3.236) | 86.1 (3.39) | 88.5 (3.484) | 79.6 (3.134) | 81.6 (3.213) | 74.0 (2.913) | 795.7 (31.327) |
Աղբյուր #1: SMHI Average Precipitation 1961-1990 | |||||||||||||
Աղբյուր #2: SMHI Average Data 2002-2015 |
Վիքիպահեստն ունի նյութեր, որոնք վերաբերում են «Հալմստադ» հոդվածին։ |
This article uses material from the Wikipedia Հայերեն article Հալմստադ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.