Halmstad

Halmstad Gearradh-arm no Seula
Suidheachadh
Dùthaich	An t-Suain
Ceàrn	Halland
Sgìre	Hallands län
Co-chomharran	56° 40 00′ Tuath 12° 51 00′ Ear
Feartan fiosaigeach
Farsaingeachd	34.13 km²
Àireamh-shluaigh	58,577 (2010)
Dlùths	1,716.29/km²
Àireamh fòn	(+46) 035
Duilleag oifigeil	http://www.halmstad.se/

Tha e suidhichte eadar Göteborg agus Helsingborg, aig Inbhir na h-aibhne Nissan, far a shruthas i dhan Kattegat, san sgìre Hallands län, 426km air falbh bho Stockholm, 451km bho Uppsala agus 1,107km bho Luleå. Tha 58,577 duine a' fuireach ann. Chaidh am baile a stèidheachadh ann an 1307.

Tha e coltach gur ann à dà fhacal ann an Suainis: halmr (feur) agus stad (baile) a tha an t-ainm. Bheireadh sin Baile an Fheòir dhuinn sa Ghàidhlig an latha an-diugh.

Chaidh am baile a chlàradh airson a' chiad turais ann an 1231 mar Halmstæde. Fhuair Halmstad - a bha beagan na b' fhaide shuas na h-aibhne na tha e a-nis - a chuid chòirichean a thaobh chìsean agus malairt bho Rìgh na Danmhairge ann an 1307. Ghluaiseadh meadhan a' bhaile dhan àite far a bheil e an latha an-diugh mu 1320, le cead bhon Phàp, nuair a bha trioblaid mhòr ann leis An t-Suain, a bheireadh ionnsaigh daonnan air Halmstad. Eadar 1400 agus 1530 b' ann ann an Halmstad a rèiteachadh cò a bhiodh na Rìgh air an Aonadh Kalmar. Thog an Rìgh Christian den Fjerde ballachan-dìona an seo. Chaidh am baile na smàl ann an 1619. Ann a 1645 thug an t-Suain seilbh air Halmstad. Dh'fhàs am baile fad an 19mh Linn air sàilleabh gu robhar a' togail taighean-gnìomhachais.

• Carl Bildt (1949): Neach-poileataigs.
• Dusan Djuric (1984): cluicheadair ball-coise
• Per Gessle (1959) Ceòladair.
• Bengt Samuelsson (1934): bith-cheimigear.

• Riaghaltas na Sgìre
• Destination Halmstad