Գրական Թերթ: թերթ
Գրական թերթ, Հայաստանի գրողների միության պաշտոնաթերթ։ Հրատարակվում է 1932 թվականից, Երևանում։
| Գրական թերթ | |
|---|---|
 | |
| Տեսակ | շաբաթաթերթ |
| Լեզու | հայերեն |
| Հիմնադրվել է | 1932 |
| Երկիր |  Հայաստան |
| Հրատարակման վայր | Երևան |
| ISSN | 1829-1627 |
| Կայք | grakantert.am |
| էլեկտրոնային փոստ | [email protected] |
Պատմություն
«Գրական թերթ» մինչև Հայաստանի սովետական գրողների միության ստեղծումը (1934) հանդիսացել է Հայաստանի խորհրդային գրողների ֆեդերացիայի, իսկ այնուհետև՝ Հայաստանի խորհրդային գրողների, երաժիշտների և կերպարվեստագետների միության օրգանը։ Լուսաբանում է սովետահայ գրականության ստեղծագործական, տեսական-քննադատական աշխատանքները, պայքարում գրականության և արվևստի կուսակցականության, ժողովուրդների ինտերնացիոնալ կապի, սոցիալիստական ռեալիզմի սկզբունքների ամրապնդման համար։
Թերթն արձագանքում է ՀԽՍՀ կյանքի գրեթե բոլոր ոլորտների նշանակալից երևույթներին, առաջ քաշում ժողտնտեսության և մշակույթի համար էական նշանակություն ունեցող պրոբլեմներ։ Թերթը ղեկավարում է գրական նոր սերնդի ստեղծագործական աճի պրոցեսը, բանավեճեր վարում արձակի ու պոեզիայի հարցերի մասին։ Պարբերաբար էջեր է նվիրում սովետական հանրապետությունների գրականությանը, նշում հայ և համաշխարհային գրականության դասականների հոբևլյանական տարեթվերը, տպագրում թարգմանական նմուշներ արտասահմանյան դասակաև և ժամանակակից հեղինակների գործերից, տեղ հատկացնում սփյուռքահայ գրողների ստեղծագործություններին։
Հրատարակման տարբեր շրջաններում «Գրական թերթ»-ի շուրջն են համախմբվել ու ակտիվորեն աշխատակցել հայ և սովետական անվանի գրողներն ու գրականագետները՝ Եղիշե Չարենցը, Ավետիք Իսահակյանը, Ալեքսանդր Շիրվանզադեն, Դերենիկ Դեմիրճյանը, Վահրամ Ալազանը, Ստեփան Զորյանը, Նաիրի Զարյանը, Պարույր Սևակը և ուրիշներ։
Հայրենական պատերազմի շրջանում (1941-1944 թվականները) թերթը լույս չի ընծայվել։ «Գրական թերթ» խմբագրել են․ Հ․ Մկրտչյան (1932, 1935-1936 թվականներին), Եղիա Չուբար (1932-1933 թվականներին), Ն․ Դաբաղյան (1933 թվականին), Վ․ Ալազան (1933-1935, 1936-1937 թվականներին), Տենրի Գաբրիելյան, (1937 թվականին), Տ․ Մելիքյան (1937-1939 թվականներին), Գ․ Րորյան (1939-1940 թվականներին), Գ․ Ոսկանյան (1940-1941 թվականներին), Գ․ Հովսեփյան (1941 թվականին), Ա․ Բաբայան (1944-1948 թվականներին), Վ․ Մնացականյան (1948–1953 թվականներին), Գ․ Տեր-Գրիգորյան (1953-1955 թվականներին), Հ․ Հովհաննիսյան (1955-1959 թվականներին), Մ․ Սարգսյան (1959-1963 թվականներին), Վահագն Դավթյան (1963-1965 թվականներին), Համո Սահյան (1965-1967 թվականներին), Միքայել Շաթիրյան (1967-1969 թվականներին), Ս․ Տարությունյան (1969 թվականից)։
Արտաքին հղումներ
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 195)։  |
This article uses material from the Wikipedia Հայերեն article Գրական թերթ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.