Բալի համը (պարս.՝ طعم گیلاس), ռեժիսոր Աբաս Քիառոստամիի 1997 թվականին նկարահանած ֆիլմը։
Երկիր | Իրան |
---|---|
Ժանր | դրամա, ռոուդ-մուվի և դրամա |
Թեմա | ինքնասպանություն |
Թվական | 1997, հուլիսի 16, 1998, նոյեմբերի 26, 1997, մայիսի 18, 1999 և դեկտեմբերի 31, 2016 |
Լեզու | պարսկերեն |
Ռեժիսոր | Աբաս Քիառոստամի |
Պրոդյուսեր | Աբաս Քիառոստամի |
Սցենարի հեղինակ | Աբաս Քիառոստամի |
Դերակատարներ | Հոմայուն Էրշադի |
Օպերատոր | Հոմայուն Փայվար |
Մոնտաժ | Աբաս Քիառոստամի |
Պատմվածքի վայր | Թեհրան |
Նկարահանման վայր | Թեհրան |
Կինոընկերություն | Ciby 2000 |
Տևողություն | 95 րոպե |
2016 թվականին ֆիլմը ցուցադրվել է Ոսկե ծիրան կինոփառատոնի «Հարգանքի տուրք» ծրագրի շրջանակներում։
Պարոն Բադին (Հոմայուն Էրշադի)՝ միջին տարիքի մի մարդ, Թեհրանում վարելով իր մեքենան՝ փնտրում է մեկին, ով կհամաձայնի մեծ գումարի դիմաց իր համար մի գործ անել։ Ընթացքում նա բացահայտում է, որ մտադիր է սպանել իրեն և արդեն փորել է գերեզմանը։ Նրան պետք է մեկը, ով իր մահից հետո մարմինը հողին կհանձնի։ Նա չի քննարկում, թե ինչու է ուզում ինքնասպան լինել։
Սկզբում նա հանդիպում է մի երիտասարդ, ամաչկոտ զինվորի, ով հրաժարվում է անել այդ աշխատանքը և դուրս է փախչում Բադիի մեքենայից։ Այնուհետև նրան է հանդիպում մի սեմինարիստ, ով նույնպես հրաժարվում է, քանի որ կրոնական առարկություններ ունի ինքնասպանության հանդեպ։ Երրորդ անձը, ում Բադին հանդիպում է, մի խրտվիլակագործ է։ Նա պատրաստ է օգնել Բադիին, քանի որ նրան գումար է անհրաժեշտ իր հիվանդ երեխայի համար, բայց նա փորձում է խոսել ու հետ համոզել Բադիին՝ բացահայտելով, որ որոշ ժամանակ առաջ ինքն էլ է ցանկացել ինքնասպան լինել, բայց ընտրել է ապրելու տարբերակը, երբ ճաշակել է բալի համը։ Նա խոստանում է Բադիին հողին հանձնել, եթե առավոտյան նրան մեռած գտնի։
Ֆիլմի վերջում գլխավոր հերոսը խմում է բոլոր դեղահաբերը և գալիս նշանակված վայր և քնում։ Պարզ չէ՝ արդյոք նա մահացել է։ Ֆիլմի վերջին րոպեները փաստագրական են և ցույց են տալիս նկարահանող անձնակազմի և դերասանների աշխատանքը։
Տարի | Մրցանակ | Կատեգորիա | Արդյունք |
---|---|---|---|
1997 | Կաննի կինոփառատոն | «Ոսկե արմավենու ճյուղ» | Հաղթանակ |
1998 | Բոստոնի կինոքննադատների ընկերության մրցանակաբաշխություն | Լավագույն արտասահմանյան ֆիլմ | Հաղթանակ |
1999 | ԱՄՆ կինոքննադատների ազգային ընկերություն | Լավագույն օտարալեզու ֆիլմ | Հաղթանակ |
Չիկագոյի կինոքննադատների ընկերակցություն | Լավագույն օտարալեզու ֆիլմ | Առաջադրվել է | |
Cóndor de Plata մրցանակաբաշխություն | Լավագույն արտասահմանյան ֆիլմ | Առաջադրվել է |
This article uses material from the Wikipedia Հայերեն article Բալի համը, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.