Արվո Պյարտ (էստոներեն՝ Arvo Pärt, սեպտեմբերի 11, 1935(1935-09-11), Պաիդե, Էստոնիա), էստոնացի կոմպոզիտոր։ Համարվում է ներկայումս ստեղծագործող ժամանակակից երաժշտության ամենանշանակալի կոմպոզիտորներից մեկը։ Ստեղծագործում է դասական և հոգևոր երաժշտության ոլորտում։ 1970-ական թվականների վերջերից ստեղծագործում է մինիմալիստական երաժշտության ոճում։ Նրա երաժշտությանը բնորոշ է ինքնատիպ երգաստեղծման տեխնիկան՝ տինտինաբուլին՝ հայտնագործված հենց իր կողմից։ Նրա երաժշտությունը մասամբ ներշնչված է Գրիգորյան երգեցողությունից։
Արվո Պյարտ | |
---|---|
Ծնվել է | սեպտեմբերի 11, 1935[…] (88 տարեկան) Պաիդե, Էստոնիա |
Երկիր | Էստոնիա, ԽՍՀՄ, Էստոնիա և Ավստրիա |
Ժանրեր | սիմֆոնիա, ժամանակակից դասական երաժշտություն, Մինիմալ երաժշտություն և կրոնական երաժշտություն |
Մասնագիտություն | դասական կոմպոզիտոր, երաժիշտ և կոմպոզիտոր |
Լեյբլ | ECM Records |
Կրթություն | Էստոնիայի երաժշտության և թատրոնի ակադեմիա |
Անդամակցություն | Սերբական գիտությունների և արվեստների ակադեմիա, Արվեստի և գրականության ամերիկյան ակադեմիա, Շվեդիայի թագավորական երաժշտական ակադեմիա, Էստոնիայի գիտությունների ազգային ակադեմիա և Pontifical Council for Culture? |
Ամուսին | Nora Pärt? |
Պարգևներ | |
Կայք | arvopart.ee |
Arvo Pärt Վիքիպահեստում |
Ծնվել է Էստոնիայի Յարվամաա նահանգի Պաիդե քաղաքում։ Նրան դաստիարակել են մայրը և խորթ հայրը։ 1957 թվականին ավարտել է Տալլինի կոնսերվատորիայի կոմպոզիցիայի բաժինը՝ Հ. Էյլերի ղեկավարությամբ։ 1968 թվականին աշխատել է Էստոնական ռադիոյում՝ որպես ձայնային ռեժիսոր։ 1964 թվականից Պյարտն իր ստեղծագործություններում առաջին անգամ կիրառել է կոլաժի տեխնիկան։ Մոտավորապես նույն ժամանակ նրա երաժշտության մեջ սկսում են նկատվել կրոնական եղանակներ։
1979 թվականին թողել է ԽՍՀՄ-ը՝ սկզբում ապրելով Վիեննայում, այնուհետև՝ Բեռլինում, որտեղ էլ այժմ բնակվում է՝ ժամանակ առ ժամանակ տեղափոխվելով Տալլին։ Ընդունել է ուղղափառություն, ունի ուղղափառ կրոնավորի աստիճան։
Թեև Պյարտը փորձարարություն է արել տարբեր տեխնիկաներով ու ոճային մոդելներով, որոնցից են իզոմետրիան, մինիմալիզմը, սերիականությունը, նեոդասականությունն ու կոլաժը, սոնորիկան և այլն, նա ամբողջությամբ չի հարել ավանգարդ դպրոցներից ոչ մեկին։ Կոմպոզիտորն իր ոճն այլաբանորեն բնորոշում է որպես tintinnabuli՝ բառացի՝ "զանգակներ" (ակնարկվում են եկեղեցական զանգերը)։
Վիքիպահեստն ունի նյութեր, որոնք վերաբերում են «Արվո Պյարտ» հոդվածին։ |
This article uses material from the Wikipedia Հայերեն article Արվո Պյարտ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.