Duisburg: Wulkoměsto w Němskej

Leži na zapadnej kromje Ruhrskeho kraja při wuliwje rěki Ruhr do Ryna. Je z nimale poł milionu wobydlerjow po Kölnje, Düsseldorfu, Dortmundźe a Essenje pjate najwjetše město Sewjerorynsko-Westfalskeje a steji na 15. městnje najwjetšich městow Němskeje. W lěće 2010 bě zhromadnje z dalšimi městami Ruhrskeho kraja kulturna stolica Europy.

Duisburg

DEC
Wopon
Zakładne daty
stat	Němska
zwjazkowy kraj	Sewjerorynsko-Westfalska Sewjerorynsko-Westfalska
wokrjes	bjezwokrjesne
wysokosć	33 metrow n.m.hł.
přestrjeń	232,8 km²
wobydlerstwo	495.152 (31. dec 2021)
hustosć zasydlenja	2127 wob. na km²
póstowe čisła	47051–47279
předwólba	(+49) 0203
awtowa značka	DU
Politika a zarjadnistwo
wyši měšćanosta	Sören Link (SPD)
adresa	Burgplatz 19 47051 Duisburg
webstrona	duisburg.de
Połoženje w Sewjerorynsko-Westfalskej
wikidata: Duisburg (Q2100)

Susodne města su Hamborn na sewjeru, Oberhausen na sewjerowuchodźe, Mülheim/Ruhr na wuchodźe, krajna stolica Düsseldorf na juhu a Moers na tamnym brjoze Ryna na zapadźe.

Duisburg bě so dla połoženja při Ruhrskim wuliwje hižo w srjedźowěku k wažnemu wikowanskemu srjedźišću wuwiło, zhubi pak přez přeměnjenje Rynskeho běha nachwilnje swój wuznam. Hakle za čas industrializacije Ruhrskeho kraja w 19. lětstotku zdoby sej jako najwažniši Rynski přistaw nadregionalny wuznam wróćo. Duisburgski rěčny přistaw ze srjedźišćom w měšćanskim dźělu Ruhrort płaći jako najwjetši nutřkokrajny přistaw cyłeho swěta. Z Duisburgskich wysokich pjecow pochadźa třećina hrubeho železa w Němskej. W zašłych lětstotkach je so hospodarstwo kaž w cyłym regionje přestrukturowało a je dźensa bóle na posłužbowy sektor wusměrjene.

•  
  Model srjedźowěkowskeho města
•  
  W Duisburgskim přistawje
•  
  Powětrowy wobraz přistawa z 1930tych lět
•  
  Stary industrijne zběhadło w krajinowym praku Duisburg-sewjer