Olba: Jězor w Hornjej Łužicy
Olba je něhdyša brunicowa jama a dźensniši woblubowany kupanski jězor pola Zubornički w Hornjej Łužicy, něhdźe 15 kilometrow sewjerowuchodnje Budyšina.
Nadeńdźe so w Hornjołužiskej holanskej a hatowej krajinje na teritoriju Malešanskeje gmejny mjez Zuborničku na juhu a Stróžu na sewjeru.
| Olba | ||
|---|---|---|
 | ||
| Geografija | ||
| ||
| přitoki | mjeńše wotwodźowanske hrjebje | |
| přibrjóžne sydlišća | Zubornička, Stróža | |
| Daty | ||
| wysokosć | 141 m n.m.hł. | |
| přestrjeń | 0,5 km² | |
| rozměry | 1,2x0,7 km | |
| hłubokosć | ||
| maksimalna | 35 m | |
Mjeno wotwodźuje so wot towaršnosće Oberlausitzer Braunkohlen-Aktiengesellschaft, wobhospodarki něhdyšeje jamy.
Brunicowa jama dźěłaše wot spočatka 20. lětstotka hač k wohenju w lěće 1927, po kotrymž so předewzaće přetorhny. Hač do lěta 1932 docpě staw wody swoju dźensnišu wysokosć. Wot 1950tych lět so wokolina jězora turistisce wužiwaše. Dźensa wobsteja dwě campingownišći, wjacore bungalowske sydlišća a hosćency kaž tež nurjenska baza. Kołowokoło Olby wjedźe pućowanska šćežka.
Wosrjedź 50 hektarow wulkeho jězora nadeńdźe so něhdźe dźesać hektarow wulka kupa Radiška („Radisch“), powostank stareho hrodźišća.
Literatura
- Oberlausitzer Heide- und Teichlandschaft (= Werte der deutschen Heimat. Zwjazk 67). 1. nakład. Böhlau, Köln/Weimar/Wien 2005, ISBN 978-3-412-08903-0, str. 299ff.
Wotkaz
Commons: Olba – Zběrka wobrazow, widejow a awdiodatajowThis article uses material from the Wikipedia Hornjoserbsce article Olba, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.