Bosporus (grjeksce Βόσπορος = „howjazy brod“, turkowsce Boğaz = „kyrk“) je mórski přeliw w sewjerozapadnej Turkowskej, mjez Marmarskim morjom na juhu a Čornym morjom na sewjeru.
Nadeńdźe so mjez europskim a aziskim dźělom milionoweho města Istanbula a je tuž z dźělom nutřkownoeuraziskeje hranicy. Jedna so wo jenički zwjazk Čorneho morja ze Srjedźnym morjom a tuž wo jeničku móžnosć za łódźe z Bołharskeje, Rumunskeje, Ukrainy a Georgiskeje, přez južny mórski puć do oceana přińć.
Bosporus je někak třiceći kilometrow dołhi a mjez 700 a 2500 metrow šěroki. Wodowa hłubokosć wosrjedź přeliwa je mjez 36 a 124 metrami. K Bosporusej słuša Istanbulski zaliw „Złoty róh“, ze starodawna wužiwany přirodny přistaw.
Tři mosty – wotewrjene 1973, 1988 a 2016 – a dwaj tunelaj (2013/2016) zwjazuja zapadny z wuchodnym pobrjohom Bosporusa.
This article uses material from the Wikipedia Hornjoserbsce article Bosporus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.