Belfast: Stolica Sewjerneje Irskeje

Belfast

DEC
Wopon
Zakładne daty
stat	Zjednoćene kralestwo
krajny dźěl	Sewjerna Irska
wysokosć	10 metrow n.m.hł.
wobydlerstwo	336.830 (2014)
póstowe čisło	BT
předwólba	(+) 028
webstrona	belfastcity.gov.uk
p • d • w

Město ma někak 340.000 wobydlerjow a leži při wuliwje rěki Lagan do Belfastskeho zaliwa (Belfast Lough).

Belfast je sydło katolskeho a anglikanskeho biskopa kaž tež uniwersitne a přistawne město. Je nimo toho sydło knježerstwa a parlamenta Sewjerneje Irskeje. Nutřkowne město słušeše wosebje w 1970tych lětach k městnam sewjeroirskeho konflikta.

W lěće 1177 natwarichu Normanojo na teritoriju dźensnišeho města hród. Město same bu hakle w lěće 1603 załožene. Hladajo na huste zběžki w přewažnje katolskej Irskej zasydlichu so tu z dowolnosću britiskeho knježerstwa protestantske Presbyterianojo ze Šotiskeje kaž tež Hugenoća z Francoskeje. We 18. lětstotku bu přistaw w Belfasće wutworjeny, kotryž bu w Druhej swětowej wójnje přez powětrowe nadpady němskich lětadłow ćežko wobškodźeny.

Wot lěta 1969 bě Belfast jedne z městnow namócneho konflikta mjez katolikami a organizaciju IRA na jednym boku a protestantami kaž tež britiskim wójskom na tamnym.