ایتھانول
ایتھانول جینوں ایتھائل الکحل یا پین آلا الکحل وی کیندے نیں اک وولاٹائل، جلن آلا، بے رنگا پانی سار اے۔ اے اک طاقتور نشا اے تے جگ دا پرانے نشیاں چ آندا اے۔ اینوں شراب بنان چ تے تھرمامیٹراں چ ورتیا جاندا اے۔ عام ورتن چ اینوں الکحل یا سپیرٹ وی کیندے نیں۔
ایتھانول اک سدھی زنجیر آلا الکحل اے تے ایدا مالیکیولر فارمولا C2H5OH اے۔ اے ڈائیمیتھائل ایتھر دا آئیسومر اے۔ ایدے چ اک ایتھائل گروپ C2H5- ہائیڈروکسل گروپ OH- دی آکسیجن دے نان جڑیا ہوندا اے۔
شکر نوں فرمنٹیشن دے طریقے توں ایتھانول بنانا انسانی تریخ دے سب توں پرانے آرگینک ریایکشن نیں۔ ایتھانول نوں نشاآور شے دے طور تے پرانے وقتاں تون ورتیا جاندا اے۔ اج کل دے دور چ فیکٹریاں چ ورتن واسطے ایتھانول نوں خام تیل توں علیحدہ کیتا جاندا اے۔
ایتھانول نوں خشبواں، فلیوراں، رنگاں تے دوائیاں چ محول دے طور تے ورتیا جاندا اے۔ کیمسٹری چ اینوں محول تے دوجیاں شیواں بنان واسطے ورتیا جاندا اے۔ اینوں پرانے وقتاں توں بال کے روشنی تے گرمی لئی جاندی سی پر کج عرصے توں اینوں انجناں چ بالن دے طور تے وی ورتیا جاندا اے۔
This article uses material from the Wikipedia شاہ مکھی پنجابی (Shāhmukhī Pañjābī) article ایتھانول, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.