Rainforest
Rainforest (nai to rain forest) garam des ke jangal hae jahan pe dher paani barse hae.
Isme dher perr aur janwar rahe hae. Ek bahut jaana maana rainforest hae Amazon Rainforest jon ki jaada kar ke Brazil me hae, lekin ii Ecuador, Colombia, Chile aur kuchh aur des me bhi faila hae.
Scientists log batawe hae ki dunia ke aadha se jaada perr aur janwar ke species rainforest me rahe hae aur 1/4 dawaai bhi hian se aawe hae. Jab ki rainforest dunia ke khaali 2% land area me hae, ii insaan khatir 40% oxygen banaawe hae.
Rainforest, dunia ke tiin khaas geographical area me pawa jaae hae
- Central America - Amazon River basin me.
- Africa - Zaire basin me, aur West Africa ke kuchh hissa me; aur eastern Madagascar me.
- Indo-Malaysia - India ke west coast, Assam, Southeast Asia, New Guinea, aur Queensland, Australia me.
Rainforest me average me 50 se 250 inch talak paani har saal barse hae. Ii saal bhar garam rahe hae aur iske temperature 68 F se lae ke 93 F talak rahe hae. Iske It average humidity 77 se 88% tal rahe hae. Rainforest me jamiin pe sarraa patti ke carpet rahe hae, jiske humus layer bolaa jaae hae.
Images
This article uses material from the Wikipedia Fiji Hindi article Rainforest, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Agar duusra kaaran nai dewa gais hae, tab aap ii panna me likha gae chij ke aap CC BY-SA 4.0 ke niche kaam me lae sakta hai. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Fiji Hindi (DUHOCTRUNGQUOC.VN) is an independent company and has no affiliation with Wiki Foundation.