बेबींक हो एक गोंयचो पारंपारीक गोड जिन्नस.
देवनागरी |
ताका बिबीक, बिबींक अशेंय म्हणटात. जरी तें गोंयांत खूब फामाद आसा तरी तें पुर्तुगालाक पासून तें फामाद आसा. परंपरे प्रमाण दर बेबकाक ७ शिरो आसतात, पूण कांय पावटी चड आसपाक शकतात. पीट, साकर, तूप, तांत्याचो बोळ, नाल्लाचे रोस हे ताचे सामग्री जावन आसा. एका कुण्यांत सोण्णां घालून ताका उजो लायतात आनी ताच्या वयर हांड्येंत बेबिंकाक तयार केल्लो रोस इल्लो इल्लो करून घालतात. बेबींकाच्यो शीरो एक एक करून भाजपाक जाय. बेबींक गोंयच्या फेस्तांक,काजारांक तशेंच क्रिस्ती समाजाचे हेर म्हत्वाचे परबांनी वापरतात. कांय लोक बेबींक गोंयच्या भायर पासून धाडतात.
बेबींक गोंयांत तयार जाल्लें अशें म्हणटात. सोंपेपणी मेळ्ळील्ले सामग्री वापरून तयार करतात. काळा प्रमाण बेबींक तयार करपाचे पद्धतींत बदल घडत आयला.
बेबींक तयार करपाक पयलीं साकर आनी उदक चुल्येर दवरुन ताचें मेल करतात. उपरांत तांतुत पीट आनी मीट घालून दवळतात. मागीर जायफळाचो पीटो घालतात. आनी तांतूंत तांत्याचो बोळ घालून परत दवळतात. आतां दुसरे हांड्येंत नाल्लाचो रोस दाट आनी पातळ अशे दोन वांट्यांनी दवरात. पयलीं दाट रोस गाळून घालपाचो आनी उपरांत पातळ रोस घालपाचो. चुल्येर हांडी दवरून तांतूंत घी घालपाची आनी तापल्या उपरांत थोडो रोस घालून तो भाजल्या उपरांत आनी थोडो रोस घालपाचो आनी तो भाजल्या उपरांत आनी थोडो रोस घालून सोण्णा घातिल्ल्या कुण्णें ते हांडीर दवरून दुसरी शीर तयार करपाची आनी ती तशीच भाजपाची. अशें करीत वचपाचें, ७ शिरो जाय पासून नाजाल्यार रोस सोंप पासून. हाचे भायर आनी जायते तरांनी बेबींक तयार करपाक शकतात.
बेबींक बारीक कातरून खातात. पूण तें आयस्क्रीमी वांगडा वाडटात. तें चडशें काजाराक, वाडदिस, फेस्तांक क्रिस्ती समाजांत वाडटात.
This article uses material from the Wikipedia गोंयची कोंकणी / Gõychi Konknni article बेबींक, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.