Balakrishna Bhagwant Borkar

Bā Bho Borkar, zaka Baki-bab osoi vollkhopant ietalo, tannem kovita borovp lhan piraier suru kelem.. Vi Sa Khandekar Borkarachea kovnacho survatecho vostad aslo. Borkaran Goenchea svotontr chollvollint 1950-ant bhag ghetlo ani to Punneant, stholantor zalo zoim to Akaxvannint vavrunk laglo. Choddxem tachem sahitio Moratthint asa zorui tachem Konknnintlem borovp zaitemh asa. Tannem godheo borovpantui namna zoddlea.

Tachi lambdig kovita Mahatmayan, ek puri kornasloli kovita Gandhijik orponn keloli asa ani TamaHstotra (goddeamutachi pidde vorvim toxench utar piraie vorvim kudd’ddeponn ievpachi xokiota) bhov famad zaleat.

Tachea famad kovite modem "Mazha Gav’ zacho orth "Mhozo ganv" asa. 

Borkaranchea morrna uprant, Pu La Deshpande ani tachi potin Sunitabai hannim Borkaranchea kovitechem bhovxik vachop kelem.

 

Balkrishna Bhagwant Borkar hancho zolm 30 Novembr 1910 Kuddchoddem hea Goenchea minachea ganvant zalo zo Zuari nodichea deger urta. Tachea ghorchem vatavronn povitr aslem ani thoim bhojon, kirton, povitr vachop ani Mharaxttrachea sontachim gannim gavpant ietalim,Ghorchea kaideam pormonnem, dor bhurgeak novem Obhong tonddpatth korunk zai aslem. 

Bakibab ek favtt novo Obhong xikpak visorlo, oxem aikupant ieta ani jen’na to mhonnpak tachi palli aili, tannem ek Obhong aplea kuttumbacher rochlo. Aikupi ekdom ojaple ani Bakibab hem korunk xoklo tem sotmanunk tankam avghodd laglem ani taka anik ek Obhong rochpak sangpant ailem. Tannem tankam anik ek Obhong rochun, anik ek favtt ojapaile ani tacho xevott "Baki Mhane" (oso Baki mhonntta) hantunt zalo. 

Bakibabachi avoibhas Konknni asli ani tannem aplem iskolachem xikop Morattthi madheomant dusrea vorga poriant kelem. Goeant tea vellar Purtugezanchi rajvott choltali ani Bakibabak fuddlem xikop Purtugez bhaxent korunk poddlem.Tannem ek Purtugez Xikovpeacho Dakhlo melloilo.. Tea uprant tachean fuddlem upcharik xikop korunk zavnk na zachem karonn favo ti orthik poristhiti nasli ani taka eka nokri sodunk poddli.Tannem ek xikovpi koso sabar Goenchea iskolanim 1930 tem 1945 nokri keli. Uprant to Mumboi stholantor zalo zoim tannem Konknni nemallim Amcha Gomantak (Moratthi) ani Projecho Avaz ( Konknni) hanchem sompadon kelem. Novembr 1955 vorsa tannem Akaxvanni,Punne hantunt proves kelo zoim tannem 1970 poriant bospagar zaisor vavr kelo.

Bakibabchea poilea kovitecho punzo "Protibha" 1930 vorsa uzvaddavpant ailo. Ten’na tachi pirai fokot 20 vorsanchi asli. To soimik sundorai pollovn montrmugdh zatalo hem tachea kovitent ani vavrant favo tea promannant disun ieta. Jen’na Dr. Rammanohar Lohia 1946 vorsa svotontraiechi chollvoll jahir korunk Goeant gelo, Bakibaban svotontraichea loddaient koslich kollovnni dinastana uddi marli. Tachi rochna Goeam Lohia Ailo Re bhov famad zavnk pavlea. Dha zannanchea kuttumbak samballpachem soddun divun ani sorkari nokrecho teag korun, to kallzant savn hea chollvollint misoll zalo ani tannem aplea kovitent desbhoktiponn posravnk aplem dhoronn dhorlem. 

Bakibahacho mukhel gunn vividh sonvedon-xokti, bhov rongit kolpona ani jivitachem khuxalponn ani dukh, suddsudditponnim bhettovp zavn aslem.Tacho vavr soim, desbhokti, kudd ani otmo, kuddik khos divpi ani dhean divpi aslo ani to aplea borovpant ekoddea monxachem toxench somazachem vornnon kortalo, To Goencho tosoch Mharaxttracho kovi aslo. To Bharotacho kovi aslo, Taka Podmxri kitab divn sonmanit korpant ailo zo Bharotacho chovto vhoddant vhodd nagrik kitab zavn asa zo taka ten’nachea Raxttrpoti S. Radhakrishnan hachea hostukim tachea bhovmolachea sahitio ani xikxonnachea vavrak divpant ailo.Taka Tamrapatra (Tambeachi patti) 1974 vorsa tachea Bharotachea svotontraiechea moladik seve khatir Bharotachea Sorkar dilem. Bakibab Julhache 8ver 1984 vorsa devadhin zale..

Kovitecho vavr

• "Protibha" (1930): Uzvaddavpi: Kashinath Shridhar Nayak (Mumboi)
• "Jivonsongit" (1937) Bharat Gaurav Granthmala (Mumboi)
• •"Dudhsagar" (1947)
• "Anand Bhairavi" (1950) Continental Prakashan (Pune)
• "Chitraveena" (1960), 4th edition 1985, Mauj Prakashan (Mumbai)
• "Borkaranchi Kavita" (1960), Mauj Prakashan (Mumbai)
• "Guitar" (1965), 2nd edition 1984, Mauj Prakashan (Mumbai)
• "Chaitrapunav" (1970), Mauj Prakashan (Mumbai)
• "Chandanvel" (1972), 2nd edition 1984, Editors: Kusumagraj and G.M. Kulkarni, Continental Prakashan (Pune)
• "Meghdoot" (1980) – Translation of Kalidas's work, Shrividya Prakashan (Pune)
• "Kanchan Sandhya" (1981), Mauj Prakashan (Mumbai)
• "Anuragini" (1982), Suresh Agency (Pune)
• "Chinmayee" (1984), Suresh Agency (Pune)
• "Borkaranchi Prem Kavita" (1984), Editor: R.C. Dhere, Suresh Agency (Pune)
• "Kaivalya Che Zaad" (1987), Suresh Agency (Pune)

Mottveo Kanneo

• "Kagdi Hodya" (1938), Shri Shivaji Mudronaloi, Novem Goem 
• "Chandnyache Kavadse" (1982), Majestic Book Stall, Mumboi 
• "Pavala Purta Prakash" (1982), Alok Prokaxon, Kolhapur
• "Ghumtavarle Parve" (1986), Bandoddkar Publication House, Goem 

Kadomboreo

• "Mavalta Chandra" (1938) Maharashtra Granth Bhandar, Kolhapur. 3ri avruti 1986 Bandoddkar Publishing House, Goem
• "Andharantil Laataa" (1943) Damodar Moghe, Kolhapur. 2ri avruti 1986 Bandoddkar Publishing House, Goem
• "Bhavin" (1950) Continental Prakashan, Punne
• "Priycama" (1983) Suresh Agency, Punne 

Jivitkotha

• "Anandyatri Ravindranath: Sanskar Ani Sadhana" (1964), 2ri a vruti Suresh Agency (Punne)
• "Mahamanav Ravindranath" (1974), Punne Videapitth 

Bhaxantor

• "Jalte Rahasya" (Stephen Ewing) 1945, V.N. Moghe, Kolhapur 
• "Kachechi Kimaya" (Stephen Ewing) 1945, P.R.Dhamdhere, Punne
• "Bapuji Chi Ozarti Darshane" (Kakasaheb Kalelkar) 1950
• "Amhi Pahilele Gandhiji" (Chandrashekhar Shukla) 1950
• "Majhi Jeevan Yatra" (Jivitkotha-Janki Devi Bajaj) 1960, Popular Prokaxon, Mumboi 

Sompadlolo vavr

• "Rasyatra" – Kusumagrajacheo kovita (1969) Continental, Punne

Kovitecho vavr

• "Paimzonna", 1960, Popular Prokaxon, Mumboi.
• "Sasai", 1980, Kullagor Prokaxon, Moddganv.
• "Kanthamani", Zag Prokaxon, Bharot 

Bhaxantoram

• "Gita Provochon" (Vinoba), Pardham, Pavnar, 1956
• "Gitai", 1960, Popular, Mumboi 
• "Vasavdutt-Ek Pronoi nattio" (Arvind Ghosh), 1973, Zag Prokaxon, Priol (Goem) 
• "Paigambar" (Khalil Jibran), 1973, Zag Prakaxon, Priol (Goem)
• "Sonxoi Kollol" (G.B. Deval), 1975, Zag Prokaxon, Priol (Goem)
• "Bhogvan Bud’dh" (Dharmanand Kossambi), Sahiteo Akademi
• "Konknni Kaveo Sangroh", 1981, Sahiteo Akademi 

Sahiteo

• "Ba. Bha. Borkar: Vyakti and Vangmay" – Manohar Hirba Sardessai 1992, Gomantak Marathi Academy, Panaji
• "Mandovi"- Kavivarya Ba.Bha. Borkar 60th birthday special issue, 1970, Editor: Shriram Pandurang Kamat, Goa.

• 1934 – Kovitek Bhangrachem Podok. Moratfhi Sahiteo Somelon
• 1950 – Bhangrachem Podok. Gomantak Moratthi Sahiteo Someoan "Bhavin"kadamborek.
• 1950 –Iezman – Konknni Sahiteo Somelon 
• 1957– Iezmant – Moratthi Kovi Somelon, Solapur 
• 1961-Iezman – Tagore Xotabdi Sahiteo Xakha 
• 1956 -Iezman – Gomantak Moratthi Sahiteo Somelon 
• 1963-Iezman Sahiteoakar Sonsod, Allahabad 
• 1964–1970 – Iezmant- Institute Menezes Braganza, Ponnji, Goem. 
• 1963 –Sri Lonkek Sahitik Xistmondollacho Iezman
• 1967 – Podmxri – Bharotacho Sorkar. 
• 1968 – Iezmant – Akhil Bharoteo Konknni Porixod 
• 1970– Iezmant-Dusri Moratthi Sahiteo Porixodechem Sahiteo Somelon, Mahabaleshwar 
• 1970-Iezman- 20vea Mumboi Upnogri Sahiteoa Somelon 
• 1970 – Iezman- Mumboi Moratthi Granthsongrahloichea Songrahloichea 72 vea Vorsuki Sotkar