Kalapur

Kalapur hem ek lhan sobit ganv asa.Tem zaddha-peddamnim nethoilelem asa.

Tem uttor goemchea Tiswadi talukant poddta.Tachea uttor dixant Goemchi rajdhani Ponje asa.Tache her xhezarrim ganv zaun asat Bambolecho ganv, Taleigao-cho ani Merces-cho ganv .Hea ganvank Santa- Cruz vo St.Cruz oxim nanva asat.

Kalapur
Kalapur

Kalapur ho goemcho ek voddlo ganv .Hea ganvant 15 vaddhe asat. Anik 1800 firgozkaram asat. Hea vaddheachim navam zaun asat Ubo Dando, St.Agoshtinho, Bando, Cujira, Primeiro Bairro, Santa Barbara, Bondir, Cabeca, Ruzai Vaddo, Corte Real, Dhakttem Bhatt, Vhoddlem Bhatt, Alto Santa Cruz, Segundo Bairro and Cacra. Dhor ek vaddheachem firgojent aplich ek vegllich khaxelleponn asa. Hea ganvant ek sobit Igorz asa .Hea Igrojek lagon hea gavank nanv podllam 'Santa-Cruz', Portugueze bhaxent taka 'Povitr Khuris' oxem mhuntta. Santa-Cruz hem nanv dhon uttram ghoddun kaddla tem mhunllear “Santa’’ ani “Khuris”. Hea ganvank adlea kallar Kalapur vo calapor vo calapur oxem mhunttalim .Hem ‘ Kalapur’ nanv taka ek girest karbari kodchem mhevllem oxem mhunttat ,tachem nauv zaun aslem “Kalalpa Kelima” ,taka Raza Shasta Deva II hannem vinchlolo.

Lokh-sankhya

Hea ganvant 14077 lokh ravta Hea gavant 7118 dadle ravttat ani 6959 bhailo asat. Hea ganvant 427 schedule caste asat ani 1211 schedule tribe asat. Hea ganvant 3514 ghoram asat. Hanga 11628 lokh xikklolo asa. Ani 2449 lokh xiklolo na.Hea ganvant veg-vegllea dhormacho ani Bharatache veg-vegllea raxttrantlo lokh ravtat.. Ho ganv 14060781 Hetr bhumicher patodlolo asa. Tache bhuichi ashanksha ani lambai zaun asa 15°45’75.8” ani 73°82’36.3”.

Firgoz

Kalapur 
Santa Cruz Chruch, Goa

Hea ghanvchi firgoz Povitr Khursak bhettovleli asa. 1546 vorsa Purtugalachea razan D. Jaoa III khaxa Kalapurchi firgoz bhandpachem kham khorunk eka adhikaryak nhemlolo. Kalapurchi firgojen 466 vorsam somorpilim.Goemchea lokanchim dhormachi bhodolnim zatalem tednam hea figojechem bhadpachem kham chalu aslem. Franciskan Padrink Bardez nemlele .Dominican Padrink pondra(15) ganvam Tiswadint nemlolim. Punn Chorao,Divar ani Salcette Jesuitank nemlolim. 1557 vorsa Putugueze sorkar soglleank khristhanv korunk sodttalem.Tea vellar soggle hokk ani boreo sonddhi tannim khristhanvak dilele.Taka lagun zaite zantteanim bhautism ghevun khristhanv dormak veng marleli. Dominican Padrinim tednam todea kala bhitor zaite Calapor lokank bhautism dilolo. Ani bhurgeank soddam vachpache ani bhorovpachea xhadent ani Khristhanv dhormachea xikovnenk Igorjent vant’to ghevunk zai asle.Bhurgeanim ghantacho avaz aikotoch eka zagear mellunk zai asli.Tea zagear sun tim pursauvant vantto ghetalim ,ani akhi vat tim Christanv dhormachi xikhovn voddlean mhunnit choltalim ,oxem tim Christhanv dhorm porgottalim. 1710 vorsa Kalapurchi Firgoz portun bhandun kadli.Ani hea firgojent Povitr sacrament soddanch magneank ugto astalo. 1663-1664 vorsa bhitor 543 Kalapurche ganvkaranchi nauvam Christhanv navanim bhoroilelem. Kalapurak Tiswadicho Satvo mukhel ganv mhunn nemlolo. 1776 vorsa sun St.Pedruchea ordache padre (Diocesan Padri) vicar khoxe hanga kham korunk lagle. Hi Igorz podovpak Old Goa-chi dhakti Se Cathedral koxi dista.Hea firgojecho mhodl’lem dhar bore toren nethoilam.Tacher him uttram kantarlolim asat “ Jezu Khristachea Povitr Khursak Mhoima diunk amcho kaido asa’’- him uttram eke Povittr Khursak bhetoilele firgojek samkim lagtat.Hea firgojent dhon ghant asat. ,hantli ek ghant Old Goa-chea St.Domnic firgojechi. Hea Igorjent zaite Santa-cheo imagi altaracher asat.Immaculade Conceptiona-chi image Kalapurchea Communidadin bhettoila. Atam hea igorjent panch altar asat tim sogllim lakhdachi . Igorje bhair hea gavant anik panch chopellam ani 9 mhukel Khuris asat . Tea bhair anik zaite khuris lokhanim aplea ghara fuddlean bhandlele asat.He Khuris lokhanim ugddasak bhadlea ki “ Dev amchea laginch asa,punn to fokott ek magnnea pois asa.” Heo chopellam anik khuris vaddhea vellea lokhank ektaim hadtta, ani bhavponn thiraita.

Kalapur 

Igorjechi dusre vatten Communidadichi karialai asa . Hea gavant dhor vorsa Agostache 24 ver khonsache fest voddha dhobajean mhonoitat. Hea disa Saibinn maichi image pursavant mhuzg vazoun vortat .Padri khonxeo khatorta anik Saibinn mai-ek bhettoita anik Xettancher ani xettant upzollea vorsachea poilea pikacher axirvadd ghalta.Tim khatorlelim khoxeo mhagir pardi lokham modem vant’ta anik lokh tea disa fov anik bhendheachi khoddi korun tim khonxeo tantun ghalun , to dis khuxalkaein mhonoitat. Covent:- Hea sobit ghavant ek sobit Bethany covent asa, Bethany sisterinchi .Tim ghavchea padrink ani firgozkarank dhormik vatten aplo zaito adhar ditat.

Kalapur 

Hea gavant Povitr Sacramentache Padri asat te akhea ganvchea lokank otmik vatten voddhonk adhar ditat.

Kalapur 

Rashtrakaran

Kalaphur Goechea rajkarannant ek vagddhi asa. Goechea rajkarannant hea ganvcho protiniddhi zaun asa Congressacho mhontri Atanasio “Babush” Monserrate.

Porobo

Kalapurcho Lok Gaunchea igorjeche Fest vhodda dobajean somorobtanv. Lok Bhagevont Khursache Fest umeddin Kortat. Hem Fest vorsan voros Mayachea mhoineant 2 tem 8 tarik, jea disa Aitar yeta tea disa Somorobtanv. Padre nov dis novenache mis bhetoita ani dhavea disa vhodda dobajean Porbeche Somorombtanv. Sogllo gauncho Lok ekttai yevun him porob korta ani Festache feryentui bhi voitat. Goyeant him soglleant vhod ferim zaun asa. Kristanv Lok Ruzai Saibinniche Fest kortat. Hem Feat Janerachea chovthea Aitara dis zata. Nov dis Novena zatat ani uprant dhavea disa Ruzai Saibinniche Fest igorjent Somorombtanv.

Kalapura Shantadurga nanvache devul asa. Hem ek famad devul Kalapurant zaun asa.

Kalapur 

Amchi Hindu bhav bhoina devachi palki ghavant bhovdaitat. Kalapurcho sogllo Lok, Christanv, Hindu ani Muslim ekamekachea porobanim vantto ghetat zoxe ki Diwali, Ganesh Chathurthi, Christmas ani Easter. Christmas asta tednam Hindu bhav-bhoina Ghotto(Crib) korpak ani Christmas zadd netovpak adhar ditat. Christanv bhav-bhoina Narkasur korpak adhar ditat. Kalapurche Soglle Lok ekcharan ani maiyemogan ravtat.

Kalapur 

Shalla

Kalapur ek school asa, zaiti Kalapurchi ani hera lagxillea ganvchi bhurgim hea shallent xikpak yetat. Him shalla 1963 vorsa bhandlolim.

Gaunchi girestkai

Kalapurant Dhempo, Pinto and Kenkre hanchim ghora adi Portuguese asle tednam zem poddhodin aslele toxench atai bhi asat. Ganvcho lok Shetanim bhat roitat ani pot bhortat. Kalapurant zaite maddui bi asat. Kalapurant karkhane nat. Kalapurnt Sorkarachi char bhazyechim dhukana asat.

Kalapur 

Khel

Kalapurcho ganv khela pasot chodd famad asa. Kalapura Crown Club asa. Ganvche bhurgem Football ani Volleyball hea khelanim bhag ghetat. Gauncho lok khel asta tedna pollovpak yetat ani khelgodeank sfurt haddta. Kalapura khelpacho ek maidan asa, tachem uzghatton adli MLA Mrs. Victoria Ferandes hanim kela.

Kalapur 
Kalapur 

Kantara

Kalapurcho lok Manddo hea sortint vatto ghetat. Manddeant chodxim mogachim Kantara astat, kai katara amchim zanti monxeam logna velar mhontat. Jose Santana Cota ho ek huxear katarist zaun also ani tachem zaite vidhyarthi Goyantuch nhoi tor akhea Bharotant katara va Manddo munpak bhag ghetale.

Dotor

Dr. William ho ek Kalapurant haddancho Dotor zaun asa. To haddacher upchar korta.

Ration Card

Kalapurant 11 BPL Card ani 48 NREGA card aslele lok asat. Kalapurant char society asat(fair price shop).

Forhn (Bakery)

Kalapurant 3 Forhn asat. Hanga Gaunchea Lokak pav mevtat. Hangasor cake vikpi dhukanai asat; zoxem ki Cremeux, Monginis,Cake craft ani Zuari Bakery.

Kalapur 

Jevonn

Gaunchea Festa disanim Lok Sanna ani Sorpotel kortat.

Kalapur 

Post Office

Kalapura Post Office asa ani tacho pin code number asa 403005.

Kalapur 

Panchayat

Kalapura bazaar bhorta. Zem konn viktat tankam bospak suvat asa. Tache voir poilea mozler Panchayatiche Ghor asa ani tacher “Santa Cruz village Panchayat” oxem boroilele asa.

Kalapur 

Bholaiki Kendr

Kalapura ek Bholaiki Kendr asa. Kalapura ek hospital asa zachem nav Vrundhavan Shandy hospital.

Sanskrutai

Janerache Poiler Kalapura Christmasache Floats kelele polovpak meltat. Kalapura vaddea pormane Ghotto kortat chodd korun tornatte ani bhurgim.

Kalapur 

Ithihas

Kalapurak Santa Cruz, Calapor va Calapur oxem munu yeta. Aiz pasun konakuch kobor na ki Calapur hem nanv koxem podle, pun oxem mhuntat ki thoi ek ghodnuk ghoddili ani uprant taka tem nanv podle. Ek pavt Santa Cruz and Taleigao, ani xezarchea Gauncho Lok Santa Cruz ani Taleigao ho Ganv kitlo meren patlolo asa tem bhasabas korpak ekttai zalo. Tanim shitat kombeachem rogot misoll kelem ani tonui Gaunchea modem line marun thoi xipdaile. Uprant tem gumot vazoun nachpak ani gavpak lagle. Magir Kalapur Gauncho Lok zoi tankam apli xima khoi tem dhakovpache aslem thoi vochun tanim khonle ani ek vhodd hole kelo. Uprant eka kaxeanvant eka jitea monxeak ghalun to kaxeanv sokla sodlo ani tache voir zaiti mati ghatli. Tanim kaxeanvant monxeak suskar ghevpak ek pipe ghatlolo. Gaunchea eklean magnneim kele ani vhodlean monle “ hi zomin konachim zaun asa”? ani uprant zomnichea pondchean ek aavaz ailo “Calapor! Calapor! Calapor”. Hem aikun Lok khuxal zalo ani hi zomin Calaporkarachim mhun tanim manun ghetle. Dukhi zaun Taleigaokars ghara gele kiteak tor tim zomin apli nhoi pun Calaporkarachim zaun asli hem tanim mandun ghetle. Kalapurcho Lok rat bhor khuxalkai porgottit ravlo ani tea kaxeavant aslolea monxeank bhair kadpak visorlo. Dusrea disa tannim mati kadli ani kaxeanv ugddun polelo, tankam to munis melolo mevlo. Kaxeanvant tankam kide mevle, dor eka monxean ek ek kido ghetlo ani to aplea bhendacher dovorlo. Haka ami bendecho kiddo oxem mhuntat. Teach zagear ‘Almacho Khuris’ (Holy Cross) oxem mhuntat.

Zomin

Kalapurant char torechim mati asa. Bhat roita thoichea zomnichea matyecher iron ani silica chodd promanant meltat. Dongrachea matyent aluminium ani iron chodd promanant meltat. Adi mit legit Kalapura kortale punn ata tem polovpak mellona.

Vadde

Kalapura zaite vadde asat. Primeiro ani Segundo Bairros hem donui vadde igorjeche laginch asat. Bondir ho ek vaddo zaun asa. Cabeca, hea vaddeak poilim St. Dommingos,hea navan volkotale kiteak Domnicans tednam aslem. Alto Santa Cruz, ho matso dongracher koso asa. Bando ho ek vaddo zaun asa. Ubo Dando, hea vaddeacho rosto sorol asa ani Kalapurchea rosteak melta. Corte Real hea vaddeak Firguemchem Battui bhi oxem mhuntat kiteak Lok mantat ki ho vaddo adi Portuguese hanchea hatant aslolo. St. Agostinho hea vaddeache nanv Saint Agostin, hea dhorm porgotnarea monxeache podle. Cujira, hangasor poili Gujrati Lok ravtale, takalagun taka Maddir va Marod oxem mhuntat ani Marbatt hanga “Mar” zatichem lok ravtale. Ho Lok igorjent vavr kortalo ani tanchim baila vinpachim kama kortali. Uprant hea vaddeak St. Barbara hea navan volkhopak lagle kiteak ho Lok St. Barbara hichim bhokti korpak lagle.

Sandarbh

Tags:

Kalapur Lokh-sankhyaKalapur FirgozKalapur RashtrakaranKalapur PoroboKalapur ShallaKalapur Gaunchi girestkaiKalapur KhelKalapur KantaraKalapur DotorKalapur Ration CardKalapur Forhn (Bakery)Kalapur JevonnKalapur Post OfficeKalapur PanchayatKalapur Bholaiki KendrKalapur SanskrutaiKalapur IthihasKalapur ZominKalapur VaddeKalapur SandarbhKalapur

🔥 Trending searches on Wiki गोंयची कोंकणी / Gõychi Konknni:

अमृत माधव घाटगेवेलचीजब आचें पुस्तकKristanvponnकतारआझाद हिंद सेनावाळोव्यंकटेश माडगूळकरकाळीजMulloCleopatraTelo MascarenhasShetkiभजनUday Bhembreलिंब्याचि चटनीबाबासाहेब आंबेडकरकोंकणी म्हणीGholराजहंसVolleyballजी .ए.कुलकर्णीGõychi Mukti Chollvollपोर्तुगालअलाहाबादविंदालूभुतावळAmi Dogi Sezara (Henry D'souza)कोंकणी नाटकBanastarim-cho São Tiagocho kil’loव्हॉलीबॉलसत्मानतांKonknni bhasManohar Rai SardesaiदेवकMorjiKabaddiMaharaxhttrLabial consonantDevachi Kakutकृष्णAdhikrut suchkancho taboJuanv pormannem Jezu Kristachem XubhvortomanखेळSangoldaलोणारीरोमेनियाNanv Mhojem Henriqueti - DekhniZaitim Dukam Rê Varoilim - Mandoशिवाजी महाराजम्हशींगऑस्ट्रेलियानुवेंसिनेमाJezuchea Povitr Kallza MagnnemAnturn Pollun Paim Sodunk Zai Vo Patollche - Mhonni’niPortugalSant Francis de SalesGõyUsain BoltGoem, Damanv ani Diuइंटक (इंडियन नॅशनल ट्रेड युनियन काँग्रेस-INTUC)SungottUtravoll - Vocabulary; Konkani ~ English ' E 'लीअन ट्रॉटस्कीरामदासस्वामीधर्तरीउझबेकिस्तान🡆 More