नीरज चोप्रा हो एक ट्रैक आनी फील्ड ऐथ्लीट.
जो भालो फेंक खेळगडो (जावेलीन थ्रो) ताचो जल्म २४ डिसेंबर १९९७ ह्या वर्सा पानीपत जिल्लो, हरयाणाच्या खांडरा ह्या गांवांत जालो. भारताचे आर्मीत तो एक जुनियर कमिशन ऑफिसर.नीरज हो पयलोच ट्रैक आनी फील्ड ऐथ्लीट जाका २०२० टोकयो ऑलिम्पिकांत भारताक भागरां पदक फावो जालां.
नीरज्याक दोन भयणी ताचे आवय-बापायचें नांव सरोज देवी आनी सतीश कुमार, ताचो बापूय एक शेतकामती जावन आसा. नीरज चोप्रान दयानंद एंग्लो वैदिक ह्या कॉलेजीतल्यांन आपलें शिक्षण पुराय केलें.
जायते ताचे वांगडी ताच्या फोफशेपणा खातीर ताका चाळयताले.पूण नीरजाच्या बापायन ताका व्यायामशाळा हाचो वांगडी केलो. मागीर फुडें ताका पानीपत जीमाचो वांगडी केलो, जेन्ना शिवाजी स्टेडीअम पानीपत तो खेळटना ताणें जायते भाले उडोवपी(जावेलीन थ्रो) पळयले. ताकां पळोवन नीरजान आपणें भाग घेवपाक सुरवात केली. नीरज जायते फावटीं स्पोर्टस् अथॉरिटी ऑफ इंडिया हांगा वयतालो थंय ताका प्रशिक्षक जयवीर चोद्री मेळ्ळो. ताणें ताका प्रशिक्षण नासतना ४० मिटर भालो उडयता तें पळोवन तो ताचो पयलो प्रशिक्षक जालो. नीरज जायतें नवें शिकून ताका डिस्ट्रिक्ट चैम्पीअन्शिपान काश्या पदक फावो जालें तेन्ना ताणें आपल्या फामिलीक सागूंन पानीपत रावपाचें चितलें. २०१४ वर्सा युत ऑलिम्पिकांत ताका रुपें पदक फावो जालें, २०१७ वर्सा ओडिसा एशियन ऐथ्लीटीक चैम्पीअन्शिप हांगा ताका भागरां पदक मेळ्ळें.
२०२० टोकयो ऑलिम्पिकांत भारताचो भालो फेंक खेळगडो नीरज चोप्रान ७ ऑगस्ट २०२१ टोकयो ऑलिम्पिक सर्तींत भागंरा पदक जिखून इतिहास रचलो. नीरजान ८७.५८ मीटर लांब भालो उडोवन ही कामगिरी केल्या.नीरजान भागरां पदक मेळोवन हे सर्तींचो शेवट गोड केलो. बिजींग ऑलिंम्पिक २००८ उपरांत हें भारताचें पयलें पदक जावन आसा. ह्या भांगरा कामगिरी उपरांत नीरजाचेर तोखणायेचो पावस पडलो. राष्ट्रपती रमनाथ कोविंद प्रधानमंत्री नरेंद्र मोदी आनी जायत्या मानेस्तानी नीरजाचें अभिनंदन केलें. हरयाणाच्या मुख्यमंत्री मनोहरलाल खट्टर नीरजान भांगरा पदक जोडलें म्हूण ताका ६ कोटी रूपयांचो इनाम दिलो.
नीरजाक अरजुना पुरस्कार-२०१८, विशिश्ट सेवा मेडल आनी ध्यान चंद खेल रतना-२०२१ अशें पुरस्कार फावो जाल्यात
This article uses material from the Wikipedia गोंयची कोंकणी / Gõychi Konknni article नीरज चोप्रा, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.