Kristachea Jivontponnachem Fest - Easter
Kiristamv lokanchi mhotvachi porob.
Romi |
Paskhamchem Fest
.jpg)
Haka ‘paskanchi porob’ oxem-i mhonnttat.Palostin dexant romon ani jyu lokamni ekttham-i yeun jezu kristak khursar jivexi marlo. Uprant tisrea disa (aitar) jezu krist porto jivo zalo. Hea prosongachi yad mhunn isttor monoitat.
Vosond ritunt poile punveuporant yeupi aitarak hi porob monoitat. Isttor khoinchea aitarak monoucho hevixim zaite motbhed asle. I.So. 325 vorsa kiristamv dhopmogurumni ho vad mittoitona 21 march uprant yeupi puvnek hi porob monouchi oxem sanglem. Lig ef nexnsoche kelenddor komittin he vixim anik ek fautt vichar kelo. Teurovim 1928 vorsa somsden ek kaindo som'mot kelo. Tatunt eprilachea dusrea xenvara uprant yeupi aitar, isttorcheo dis mhunn mancho ho tharavo som'mot kelo. Dusrea xotmanasaun ‘jezu krist porto jivo zalo,dekhun soglleank dil'li somrodona’ hea orthan ho dis monoitat.
Ostontechea raxttramni isttorovixim zaiteo akheayika ani somoz choltat. Purvil'lea onglo sekson lokanchea motapromann isttor hi rituchi deuta asun tichea ugddasak hi borop monoitat. He lok epril-me mhoineant hi porob monoitale. Kaim zann he porbek purvil'lea kallant cholotlea vixuvdisach (equinox) porbecho vantto mantat. Porne chalicho inglix lok hea disa sury nachta, oxem mantat. Tea disa te suryoutten tondd korun bostat. Kaim haltokoch tachevelem kirnn halta ani tem kirnn nachil'leavori dista. Hech torechi chal airlondd dexantuy dista.
Somvsarantole soglle kiristamv lok hi porob vhodda umedin monoitat. Igrzancher rongrongoyalli roxnnai kortat. Soglle nove nove bhes korun igrzamni votat. Ghorant borem jeunnokhann kortat. Hea disa khuris, tantim, bokddepetto hancheo kuro kortat. Hea disa tantim vanttpachi chal cholta. Tanteantlean novo jivo zolmota, dekhun jezuchea jivo zaupakodden tacho sombond laun he gozalikodden tantim ‘kuru’ va ‘protik’ he nodrentlean polletat.
Polleiat
This article uses material from the Wikipedia गोंयची कोंकणी / Gõychi Konknni article Kristachea Jivontponnachem Fest - Easter, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.