Psalms
Romi |
Prostavna
Stotranches pustokar 150 stotram asat, ani tim rochun ieunk ogllimunnim 450 vorsam laglim (Sumar 1010-538 Kristi xoka adim). Judev lokachea khud jivitantlim ani bhoktiponnantlim tim upzolim.
Hea bhaxantorant Hebrev bhaxen Povitr Pustokantle ankdde Stotrank vaporleat; Grik ani Latin Povitr Pustokant tancho ankddo matso vegllo zata ani chodd korun eka ankddeak pattim urta (ho-1 ankddo konvcham modem dila).
STOTRANCHE VORG
Stotrancho veg-vegllo akar topaslear, tanche chodd-korun 3 sahitia-akar (literary forms) melltat :
1. Gitam
8, 19, 29, 33, 46-48, 76, 84, 87, 93, 96-100, 103-106, 113, 113, 117, 122, 135, 136, 145-150. Him gitam devachi tust korunk ulo martat ani osle tustechim karonnam sangtat; dekhik, Devan kel’li ojapanchi rochnna ani Tannench zannvaien ani podven choloilolo mon’xacho itihas ani odik chodd Israel-porjechi opurbaien kel’li soddvonn.
Hea gitam modem Jerusaleant ravtolea Devachi ani teach Povitr Xarachi Vakhann’nni kortolim gitam asat, mhonnge Sionachim ani Devachea raiponnachim gitam (46, 47, 48, 76, 87, 93, 96-98).
2.Vinotichim Stotram :
Oslim Stotram mon’xanchem odruxtt, boll’llik, mhatari pirai, khont, patok ani toxench dusmananchi onit ani piddapidd iskuttaitat; Devacho adar, bhogsonnem ani rakhonn mellche khatir vhodd khaltikaien Taka ulo martat; ani kedna – kedna visvasan mellchi as ate modoti khatir adim-fuddem argam-I ditat.
Oslim Vinotichim Stotram khasgi mon’xanchim vo ak’khe Israel-porjechim zaunk xoktat.
Khasgi mon’xanchim zalear (St 3, 5-7, 13, 17, 22, 25, 26, 28, 31, 35, 38, 42-43, 51, 54-57, 59, 63, 64, 69-71, 77, 86, 102, 120, 130, 140-143), tanche kovi vo stotrkar ap-apleo gorzo Deva mukhar ghaltat.
This article uses material from the Wikipedia गोंयची कोंकणी / Gõychi Konknni article Stotram anchem Pustok, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.