Vienã Ñorairõ

Yvate Vienã ykére oĩ Joaty Soviétiko, Chína Tetarã Retã ha Yvate Koréa, upe aja oĩ Ñemby Vienã ykére Tetãvore Joapykuéra, Ñemby Koréa, Tailándia, Autarália, Selánda Pyahu ha Filipína. Oĩ tetã ambuéva oho avei ñorairõhápe hákatu oipytyvõnte umi oñorairõvape. Oiko upe aja Ñorairõ Ro'y oñombohováivo tetãnguéra komunísta ha kapitalísta.

Vienã ñorairõ
Ñorairõ Ro'y
Ta'ãnga:VNWarMontage.png Vienã ñorairõ
Arange	1 jasypateĩ ary 1955-30 jasyrundy ary 1975 (19 ary, 5 jasy ha 29 ára)
Tenda	Vienã, Láo ha Kambója
Causas	Ndaipórigui jekupytyha heko peteĩrã.
Ipaha	Victoria norvietnamita
Consecuencias	Ndaiporivéima Ñemby Vienã Oiko tetã komunísta Vienãme, Kambójape ha Láope
Tetã renda ñemoambue	Yvate Vienã ha Ñemby Vienã heko peteĩ
Oñorairõva
Ñemby Vienã Tetãvore Joapykuéra Tavetã Kambója (1970 peve) Tavakuairetã Hemére (1970 guive) Tavetã Láo Autarália Ñemby Koréa Yvate Vienã Viet Cong Hemére pytãnguéra Pathet Lao Hapõ Ñorairõhára Pytãnguéra
[editar datos en Wikidata]

Opávove Indochína Ñorairõ Peteĩha (1946-1954) oñepyrũma katu ko ñorairõ Vienãme. Hyãsia retã ndaipu'akái rire Indochína ñorairõme, oñemboja'o va'erã Vienã mokõi tetãme (Yvate Vienã ha Ñemby Vienã) ha ojejapomo'ã jekupytyha Vienã retãyguakuéra oiporavo hag̃ua heko peteĩta térã oñemboja'óta hekópe. Hákatu umi Ñemby Vienã sãmbyhyhára ojapo golpe de Estado ha ndohejái hikuái toiko jekupytyha. Upévare omondo Yvate Vienã ijaty ñorairõhára oipytyvõ hag̃ua Vietcong (guerrilla komunísta omba'apóva Ñemby Vienãme) ha upe rire oñembojára hag̃ua upe tetã ñembyguáre. Upéicharamo omondo Tetãvore Joapykuéra mba'e hepy ha 1964 guive omondo avei ijaty ñorairõhára oipytyvõ hag̃ua Ñemby Vienãme ani hag̃ua upe tetã yvategua oñemomba'e hese, upéicha katu oñepyrũ ko ñorairõ.

Mbeguehápe ojehecha Tetãvore Joapykuéra ndaipu'akaiha ha oñepyrũ oguevi, upéicha oipe'a ijaty ñorairõhára upe tetã ñembyguágui ha oheja umi mokõi tetã oñorairõ ojuehe. Yvate Vienã ipu'aka 2 jasypokõi ary 1976-me, upe rire mokõi tetã heko peteĩma ha ndaiporivéima Ñemby Vienã, upéicha oiko ko tetã ko'ãgagua Vienã. Tetãvore Joapykuérape hetaiterei umi oñemoĩva ko ñorairõre ha ojeruréva toiko py'aguapy.

• Alfredo Becerra, Vietnam, la crítica de las armas, Buenos Aires, agosto de 1975.

•   Wiki Commons oguereko ta'ãnga Vienã ñorairõ reheguaCommons.