Guerra Del Vietnam
La Guerra de Vietnam (Chiến tranh Việt Nam en vietnamín) denomada tamién Segunda Guerra d'Indochina, foi un conflictu bélicu qu'enfrentó ente 1964 y 1975 a la República de Vietnam, o Vietnam del Sur, sofitada principalmente polos Estaos Xuníos, escontra la República Democrática de Vietnam, o Vietnam del Norte, sofitada pol bloque comunista, nel contestu xeneral de la Guerra fría.
Tres el fin de la guerra, col armisticiu ente'l sur y el norte, la guerra de Vietnam quedó marcada na historia como la primer derrota de los Estaos Xuníos nuna guerra.
| Guerra del Vietnam | ||||
|---|---|---|---|---|
| Parte de Guerra fría | ||||
| Fecha | 1955 → 30 abril 1975 | |||
| Llugar | Vietnam, Laos, Camboya | |||
| Resultáu | Victoria decisiva norvietnamín
| |||
| Cambeos territoriales | Unificación de Vietnam del Norte y Vietnam del Sur baxo dominiu norvietnamín | |||
| Belixerantes | ||||
| ||||
| Comandantes | ||||
| ||||
| Fuercies en combate | ||||
| ||||
| Baxes | ||||
| ||||
| [editar datos en Wikidata] | ||||
Les faiciones nel conflictu foron, per un llau la República Democrática de Vietnam col sofitu de movimientos guerrilleros norvietnamines como'l Viet Cong o Frente de Lliberación Nacional (NLF, poles sos sigles n'inglés) y de suministros soviéticos y chinos. Pel otru llau, la República de Vietnam col sofitu militar y loxísticu de los Estaos Xuníos. N'ayuda de los norteamericanos tamién participaron tropes de combate d'Australia, Corea del Sur, Filipines, Nueva Zelanda y Tailandia. Otros países como Alemaña, Irán, Marruecos, Reinu Xuníu y Suiza contribuyeron con suministros materiales y equipamientu médicu. Unviáronse continxentes testimoniales en sofitu de los Estaos Xuníos, dende Taiwán y España, que movilizó a un amenorgáu grupu de médicos militares en misión sanitaria.
La guerra destacó por trescurrir ensin la formación de les tradicionales llinies de frente, sacante les que s'establecíen alredor de los perímetros de les bases o campos militares, de mou que les operaciones asocedieron en zones non dellimitaes, abondando les misiones de guerra de guerrilles o de "busca y destrucción", xunto con aiciones de sabotaxe nes retaguardies de les árees urbanes, l'usu de la fuercia aérea pa bombardeos masivos y l'emplegu estensivu d'axentes y armes químiques, constituyendo estes últimes operaciones violaciones de diverses convenciones internacionales de guerra que prohiben l'usu d'armes químiques y biolóxiques.
La cobertoria del conflictu fecha pelos medios de comunicación dexó la denuncia de les frecuentes violaciones y abusos de los derechos humanos fechos polos dos bandos, pero autores como Luciano Garibaldi afirmen qu'atrayíen muncho más l'atención, les feches por Estaos Xuníos, alimentando asina la creciente oposición de la opinión pública occidental escontra la intervención norteamericana.
Énte la contestación y división de la sociedá norteamericana, los alcuerdos de paz de París en 1973 supunxeron la retirada de les tropes norteamericanes y el cese de la so intervención direuta, pero nun llograron poner fin al conflictu. Ésti siguió hasta que, en 1975, tres tomar Saigón, forzóse la rendición incondicional de les tropes survietnamines y l'unificación del país, sol control del gobiernu comunista de Vietnam del Norte, col nome de la República Socialista de Vietnam, el 2 de xunetu de 1976.
Un datu específicu que-y amiesta estremada crudeza ya infamia al conflictu ye'l respigante númberu de víctimes civiles. Según datos d'organismos internacionales y en xunto col gobiernu de Hanoi, pa 1975, la guerra tenía provocada la muerte d'ente 3,8 y 5,7 millones de persones, la mayoría d'elles civiles, y graves daños medioambientales. Estes enormes cifres de muerte marquen a la guerra de Vietnam como "quiciabes" el conflictu más sangrín dempués de la Segunda Guerra Mundial.
Pa los Estaos Xuníos, el conflictu resultó ser la confrontación más llarga na que se vieron envueltos. Surdió'l sentimientu de derrota o Síndrome de Vietnam en munchos ciudadanos, lo que se reflexó nel mundu cultural y la industria cinematográfica, según nun repliegue de la política esterior hasta la eleición de Ronald Reagan en 1980. El preciu de la guerra en vides pa los Estaos Xuníos foi de 58.159 muertes y 1.700 desapaecíos.
Les tensiones de la guerra fría finalmente acabaron nuna guerra abierta en Vietnam. De primeres, los Estaos Xuníos apurriéron-y al sur ayuda militar solamente. Pero mientres la década de los sesenta empezaron a unviar soldaos, y esti númberu aportó a más de mediu millón enantes de concluyir la década.
Referencies
Enllaces esternos
Datos: Q8740
Multimedia: Vietnam War
Cites famoses: Guerra de Vietnam
This article uses material from the Wikipedia Asturianu article Guerra del Vietnam, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.