Apartheid ha'e akue oñesãmbyhyháicha ha oñemboguataháicha Yvyáfrika ha Namívia retãygua oisãmbyhykuévo umi ipiretĩva, ary 1948 guive 1992 meve, omboykérõguare tetãyguakuérape ipiresa'ýre.
Ko ñe'ẽ apartheid he'ise "ñemomombyry” Afrikáans ñe'ẽme. Yvyáfrika rembiasakuépe, ymaite guive heta umíva omboyke akue umívape ndaipire morotĩri, pe aty hérava National Party oñepyrũ oisãmbyhy upépe ohenonde'a rire jeporavo guasúpe ary 1948 pegua, mbeguekatúpe oñepyrũ ohekome'ẽ apartheid rekópe. Umi tekorã ojapo hikuái oporomboyke ha omomombyry umi ipirehũva ha umi ipiretĩva.
Ko ñesãmbyhy rekópe, umi Yvyáfrika retãygua oñemohenda va'erã ipiresa'y ha iñemoñare rupive, ndaikatúi hikuái ojoaju ha oiko oñondivepa (techapyrãme, peteĩ ipirehũva ndaikatúi omenda peteĩ ipiretĩvare). Ojejapóvo léi guasu ipyahúva Yvyáfrika-pe, opa ko ñesãmbyhy. Yvyáfrika mburuvicha pahague oisãmbyhýva apartheid rekópe ha'e akue Frederik Willem de Klerk; ha'e oho oñemongeta Nelson Mandela ndive, oiméva ka'irãime omoambueségui hetã ñesãmbyhy, opa hag̃ua apartheid. Oñemongeta rire hikuái ha osẽ rire ka'irãigui Nelson Mandela, ojeporavo ichupe Yvyáfrika mburuvicha ramo pe jeporavo guasúpe ary 1994 pegua, upéicha oiko ichugui pe ipirehũva peteĩha oisãmbyhy hetãre, upe aja oreko 75 ary. Umi mokõi karaípe oñeme'ẽ kuri Jopói Nobel Py'aguapyguigua, hembiapo porãgui.
This article uses material from the Wikipedia Avañe'ẽ article Apartheid, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.