Ñe'ãvevúi Akytã'ai
Ñe'ãvevúi akytã'ai ha'e niko peteĩ mba'asy ombohetavéva sarambihápe umi ñe'ãvevúi hekoveapỹi aty, peteĩ umi akytã'aígui ojehechavéva oporombohasa'asýva.
Ñe'ãvevúi akytã'ai oñepyrũmeméva umi ñe'ãvevúi hekoveapỹi ahoja'ípe, tekoveapỹi apemíre, ha upéi ikatu oñemuasãi ha oñemosarambi pya'ehápe umi yvypóra rete pehẽngue ambuéva rehe. Ndaha'éi ñe'ãvevúi akytã'ai umi mba'asy oike ñe'ãvevúime oúvo yvypóra rete pehẽngue ambuévagui, oñemuasãigui ha noñepyrũigui ñe'ãvevúime.
| Ñe'ãvevúi akytã'ai | ||
|---|---|---|
 Pyti'a ra'anga ohechaukáva ñe'ãvevúi akytã'ai | ||
| Ñemohenda ha marandu ambuéva | ||
| CIE-10 | C30, C33, C34 | |
| CIE-9 | 162 | |
| CIAP-2 | R84 | |
| DiseasesDB | 7616 | |
| MedlinePlus | 007194 | |
| MeSH | D002283 | |
 Pohano rehegua | ||
| [editar datos en Wikidata] | ||
Umi mba'asyapypẽ ojehechameméva apytépe oĩ ohasa asývo iñambu hag̃ua, hu'úvo térã hu'úvo ruguysẽva, ha hete ndaipohýi porãvéivo, oñembopiruvégui, upéicha avei ojehecha pyti'a rasy, ahy'o kororõ vai, tova aruru ha ajúra aruru. Ojeikuaa oĩ mokõi ñe'ãvevúi akytã'ai mba'asy: Peteĩva héra ñe'ãvevúi akytã'ai tekoveapỹi imichĩre ha ambuéva ojehero ñe'ãvevúi akytã'ai tekoveapỹi naimichĩrire, ojeikuaa rire upéva ikatu ojehapejoko porãve umi mba'asy, peteĩha (tekoveapỹi imichĩre) noikotevẽi pirekytĩ ha ikatu ojeipuru pohã, mokõiha (tekoveapỹi naimichĩrire) oikotevẽ pirekytĩ, láser resape ha oĩ avei ojeipuru va'erã ñepohãnopuku pirépe guarã tesape mbarete oipurúva.
Mba'e omoñepyrũvéva ko akytã'ai ha'e hína petỹpuru, amo 95 % hasývagui opita térã opitáva'ekue. Umi tapicha ndopitáiva ikatu oreko ko mba'asy ijypykue orekógui ymaguare, oikógui mba'etĩ vai héra radón hi'aguĩ, amiánto, ha tekohatyai, oikógui avei tapichakuéra opitáva hi'aguĩ.
Pohanohára ohecha pya'eitérõ hasýva orekoha ñe'ãvevúi akytã'ai iporãvéta osẽ hekopete hag̃ua ko mba'asy jehapejoko. Ñe'ãvevúi akytã'ai ñepyrũme, ojehapejokóramo, umi 20% hasývape, ikatu oiko porãve pirekytĩre. Oikóramo jepe, ko mba'asy oñemosarambi pya'égui ha hasýgui ojehecha hag̃ua yvypóra retépe, oñemuasãimbáma ojehecha ramo.
Ñe'ãvevúi akytã'ai ha'e hína mba'asy oporombohasa'asyvéva ha akytã'ai ojehechavéva yvypóra oreko, peteĩ umi mba'asýgui oporojukavéva avei. Akytã'ai ojukavéva hína kuimba'ekuéra ha ojukavéva mbohapyha voi kuñanguéra, tyekue akytã'ai ha kámare rire.
Mandu'apy
Joaju
- Actualización sobre Cáncer de Pulmón para médicos Medscape karaiñe'ẽme
- Ñe'ãvevúi akytã'ai (Marandunguéra karaiñe'ẽme)
- Situación epidemiológica y pronóstica del cáncer de pulmón en España. En Archh Bronconeumol 2006;42(11):594-9
- Carcinoma broncogéncio. Revisión del Grupo MBE del Hospital 12 de octubre(marzo de 2007)
This article uses material from the Wikipedia Avañe'ẽ article Ñe'ãvevúi akytã'ai, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.