Ára Ymaguare
Ára Ymaguare niko ára pukukuépe ojehecháva opamba'e yvypóra ojapo oñepyrũrõguare guive ohai kuatiápe térã itápe Ára Mbytegua oñepyrũ meve.
Yvypóra oñepyrũ ohaikuaa omopu'ãvove tavakuéra ha omba'apóvove ñemitỹre. Upéicha avei ikatu ja'e oñepyrũite marandeko, yvypóra ohejágui rembiasakue umíva omoñe'ẽkuaávape, jahecha ára pukukue ojeheróva marandeko mboyve ndaipórirõguare ohejáva kuatiápe térã itápe hembiasakue. Yvypóra oñepyrũ ohai amo 3 300 ary Kirito mboyvépe, upéicha he'ise ojapo haimete 5 000 ary ko'ãga guive, ojejuhúkuri ojehai raẽ Kuarahyresẽ Aguĩguápe.
Ára Ymaguare pukukuévo ojehecha oñepyrũha ha okakuaaha avei avano'õ mba'eguasuitéva oparupi, umíva niko hembireja puku ha ojehecha ohejaha tembikuaa ha arandupy ko'ãga peve oiko. Amo Suméria ha Ehíto Ymaguare guive, ha upéi umi avano'õ védika Índia pegua, Chína Ymaguare, upéicha avei Gyrésia ha Rróma Ymaguare, Mburuvi akeménida amo Péysia-pe, Inca-kuéra amo Ñembyamérika Ymaguarépe, ha heta ambuéva ijapytépe.
Jahecha Ára Ymaguare pukukuévo oñepyrũha táva guasu, Tetã, yvypóra tekoiterape ha teko me'ẽ, upéicha avei heta jeroviapy mba'eguasuitéva ko'ãga, techapyrãme Vuda rape ha Hesu rape.
Mandu'apy
Joajuha
Wiki Commons oguereko ta'ãnga Ára Ymaguare reheguaCommons.
This article uses material from the Wikipedia Avañe'ẽ article Ára Ymaguare, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.