Li antiqui epoke o antiquitate (o antiqueso in Novial 30) es li periode del historie inter li nasko del skripture e li yare 400 KE kand germanes komensa tu okupa partes del romani teritorie, tum kel marka li komenso del Medieve.
Le es, dunke, li unesmi proprim historial periode.
Li developamente did varia multisim in funktione del studiat regione, ma a grandi tretes pove karakterisa se kom li epoke del sosial spesialisatione, del nasko del majoritate de sienties e aktual artes e de grandisi demografial expansione kel did porta a krear grandi imperies. Have a non obliver ke in li sami dates un popule pove vivar tamen in li prehistorie (o protohistorie) e altri pove haver evolu tre.
Li max abundant politikal rejime es li monarke. Texe li afere generalim, kun li aparitione del moneye e del grandi vies de interkambio.
Li antiquitate kontena du epokes:
Al Antiqui Oriente es vor did texe li skripture e, kun le, li historie proprim nomisat. Li kulture se did sentra primim in li vales del grandi riveres del Asia (kom per exemple li Gelbi Rivere, li Ganges, li Tigris Rivere e li Eufrates) e al Nile.
Tantim li landes del Extremi Oriente (India, Tibet, China) kom les del Proximi Oriente (Egiptia, Persi imperie, Mesopotamia) did developa grandi varietate de kultures, kun multi lingues (e sistemes de skripture), religiones, politikal sistemes, e set.
Li klasiki antiquitate o Monde Greki-Romani did signifika li origine de Oksidente, in konterpositione al Oriente kel did ha exista til tand. Li Grekes e li Romanes did resiva li influos del max antiqui popules e did elabora les por far kreatione original (primim li Grekes).
Malgre ke li Greki kulture did komensa anteu, li politikal importanse del antiqui Grekia es resulte del venko super li Persi Imperie in li Gueres de Medes. Sequentim, kun li konquestos de Aléxandros li Grandi, li Greki kulture se did disperse en grandi parte del Proximi Oriente, e even did ha efekte pokim super li landes del Extremi Oriente. Depos, li Romanes did konquesta Grekia e li Mediterani koste del Proximi Oriente, de max de novi teritories nordu del Alpes.
Li prime dokumentes es restes tre pretiosi por li studio de disi epoke. Li arkeologie, ma, es li chefi fonte, durant ke li skripture non did bli extense non even max a devanu e non did memora toti li aspektos del vivo de ti tempe. Importanti deskovrates es li piramides de Egiptia o li urbe de Pompeia, inter altris.
This article uses material from the Wikipedia Novial article Antiquitate, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Novial (DUHOCTRUNGQUOC.VN) is an independent company and has no affiliation with Wiki Foundation.