Todo Dia A Mesma Noite: Miniserie brasileira de 2023

Está baseada no libro Every Day at the Same Night: The Untold Story of Kiss Nightclub da xornalista Daniela Arbex, e foi adaptado por Gustavo Lipsztein e dirixida por Júlia Rezende e Carol Minêm. Na historia fálase do incendio da discoteca Kiss, unha traxedia que matou 242 persoas en Santa María, Río Grande do Sur, na madrugada do 27 de xaneiro de 2013.

Todo Dia a Mesma Noite
Formato	Drama
Creado por	Gustavo Lipsztein Daniela Arbex
Desenvolvido por	Mariza Leão
Dirixido por	Júlia Rezende Carol Minêm
Intérpretes	Thelmo Fernandes Debora Lamm Bianca Byington Leonardo Medeiros Paulo Gorgulho Bel Kowarick Raquel Karro Cândido Damm Erom Cordeiro Laila Zaid Leandro Daniel Lourinelson Vladmir Paola Antonini Nicolas Vargas
País de orixe	Brasil
Lingua(s)	Portugués
Temporadas	1
Episodios	5
Produción
Produtor(es) executivo(s)	Mariza Leão Gustavo Lipsztein Tiago Rezende
Cámara	Cámara única
Duración	35-40 minutos
Distribuidor	Netflix
Emisión orixinal
Canle de orixe	Netflix
Formato de imaxe	4K (Ultra HD)
Primeiro episodio	25 de xaneiro de 2023
Na rede
[ editar datos en Wikidata ]

Na madrugada do 27 de xaneiro de 2013, na cidade de Santa María, no interior do Río Grande do Sur, un tráxico incendio na discoteca Kiss deixou 242 mortos e 636 feridos graves, converténdose na segunda traxedia máis grave do Brasil en canto ao número de mortos nun incendio. As vítimas foron na súa maioría estudantes da Universidade Federal de Santa María e a festa foi organizada por estudantes universitarios para recadar cartos para a graduación. No primeiro episodio preséntase a historia duns mozos e as súas relacións familiares: Mari quixo celebrar o seu vixésimo aniversario coas súas amigas; Felipinho quixo aproveitar ao máximo aquela noite xa que vive no campo; Guilherme viaxou dende a casa dos seus pais en São Paulo para visitar a irmá; Marco volveu despois de catro anos vivindo en Australia; e a estudante Grazi é convencida por Antônio de gozar da vida e desconectar dos seus estudos durante un tempo.

A partir desta traxedia, a serie segue as investigacións dos policías João e Tereza sobre a neglixencia dos donos da discoteca e a falsa inspección do concello; a dificultade dos superviventes Grazi e Fernando para volver á normalidade; e a loita dos pais dos mozos por meter no cárcere aos culpables, topando cos fiscais Avelar e Monteiro, que tratan de evitar que os políticos implicados se vexan involucrados.

Unhas 40 familias das vítimas da traxedia da discoteca Kiss anunciaron que pretenden denunciar a Netflix por suposta explotación comercial. Un dos familiares dixo á prensa que a plataforma nin sequera informou do lanzamento dunha serie dramática sobre a traxedia, nin tiña permiso para producila. Amigos e familiares crearon un grupo de WhatsApp para discutir o asunto. O avogado dos familiares tamén pediu un acordo coa plataforma para que parte do beneficio xerado pola obra se reverta na construción dun monumento ás 242 vítimas, ademais de entregar valores aos familiares e superviventes. Segundo o avogado, algúns retomaron terapias e tratamentos psicolóxicos pola divulgación do contido. A Asociación de Familiares de Vítimas e Superviventes da Traxedia de Santa María (AVTSM) negou que demandará a Netflix pola produción da serie xa que tiñan coñecemento da produción.