Selena
Selena Quintanilla Pérez, coñecida artisticamente como Selena, nada en Lake Jackson (Texas) o 16 de abril de 1971 e finada en Corpus Christi (Texas) o 31 de marzo de 1995, foi unha cantante mexicano-estadounidense texana.
Traxectoria
Selena foi chamada "A raíña da música texana". Comezou a cantar no restaurante do seu pai a principios da década de 1980. Lanzou o seu primeiro disco en 1984, e en 1989 fichouna a EMI Latin Records, coa que vendeu máis de 20 000 copias. O seu álbum de 1990, Ven Conmigo, converteuse no primeiro disco de ouro texano. En 1992 lanzou Entre a mi mundo, que tamén foi disco de ouro. En 1993 o álbum Selena Live! gañou un premio Grammy ao mellor álbum mexicano-americano. En 1994 Selena lanzou o seu último álbum, Amor Prohibido, que vendeu máis de 22 millóns de copias en todo o mundo. O álbum axudou a Selena a introducirse no mercado de fala inglesa. O álbum Dreaming of You vendeu 175 000 copias o mesmo día do seu lanzamento, e acadou un total de 4 millóns de copias.
En 1992 Selena casou co seu guitarrista, Chris Perez. Selena morreu traxicamente o 31 de marzo de 1995, asasinada pola presidenta do seu club de fans. En 1997 fíxose unha película sobre a súa vida, na que o seu papel foi interpretado por Jennifer Lopez.
Discografía
- Vexa o artigo principal en: Discografía de Selena
- Selena y Los Dinos (1984)
- The New Girl In Town (1985)
- Alpha (1986)
- Munequito de Trapo (1987)
- And The Winner Is... (1987)
- Preciosa (1988)
- Dulce Amor (1988)
- Selena (1989)
- Ven conmigo (1990)
- Entre a mi mundo (1992)
- Selena Live! (1993)
- Amor Prohibido (1994)
- Dreaming of You (1995)
Notas
Véxase tamén
Wiki Commons ten máis contidos multimedia na categoría: Selena  |
[[ORDENAR:Quintanilla Perez, Selena}}
This article uses material from the Wikipedia Galego article Selena, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.