O río Eo é un curso fluvial do noroeste da Península Ibérica que discorre por terras de Galicia e Asturias, delimitando ao cabo a fronteira entre ambas.
Desemboca no mar Cantábrico pola ría de Ribadeo. A súa cunca ten unha extensión duns 819 km², dos que 3/4 atravesan terreo galego. É apto para a pesca de salmóns.
Río Eo | |
---|---|
País | España |
Comunidades Autónomas | Galicia Asturias |
Nacemento | Fonteo (Baleira) |
Altitude | 597 m |
Lonxitude | 99 km |
Conca | 828 km² |
Caudal medio | 19,61 m³/s |
Caudal relativo | 23,68 L/s/km² |
Desembocadura | Ría de Ribadeo / Mar Cantábrico |
Altitude desembocadura | 0 m |
Conca do río Eo no territorio galego, marcada en azul escuro | |
Antigamente o curso chamouse río de Abres. O nome actual Eo provén do hidrónimo Euue, que podería vir do paleoeuropeo *oiw-upe Na Idade Media documéntase cos nomes Iuve (775), Euve (875), e finalmente Ove (905-), nome dunha parroquia de Ribadeo, próxima á ría. Na Idade Moderna aparece tamén co nome de río de Miranda. Pola súa ribeira, a comezos do século XX, construíuse dende Vilaoudriz a Ribadeo un ferrocarril mineiro que contribuíu a dinamizar toda a zona. Asemade, coa electrificación comezou a construción de pequenas centrais hidroeléctricas, como a do Louredal, erixida en 1932 para unha futura fábrica de vidro óptico en Santiso de Abres que non chegou a funcionar.
O río ten diversas captacións de auga, como a que subministra a Ribadeo e Trabada, que colle auga por riba da desembocadura do río Ouria.
Commons ten máis contidos multimedia sobre: Ríos galegos |
This article uses material from the Wikipedia Galego article Río Eo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.