Premio Rosalía De Castro De Lingua

Está convocado pola Deputación da Coruña e o seu nome honra a memoria de Rosalía de Castro.

2023

• Pakolas. Rock infantil e familiar en galego na categoría iniciativas de dinamización para a poboación de menor idade.
• Museo do Pobo Galego e Orgullo Galego, ex aequo, na categoría de entidades.
• O técnico de normalización lingüística Daniel Romero na categoría de persoas.

2022

• María Canosa: categoría de persoas. 0 xurado valorou «o seu compromiso firme coa lingua e longa traxectoria, que se reflicte nos premios recibidos e no recoñecemento e impacto social en múltiples ámbitos».
• AELG: Categoría de entidades.
• Brazolinda: Iiniciativas de dinamización para menores de idade.

2021

• Xaquín Marín: categoría de persoas que destacan na promoción da lingua por, segundo o xurado, "o compromiso continuado, o alcance social do seu traballo e por facer humor gráfico nun contexto histórico de especial dificultade en plena ditadura franquista e en medios de comunicación nos que a presenza do galego era residual"
• Agrupación Astronomía Ío: categoría de entidades, "por impulsar a lingua galega nun ámbito tan especializado como a astronomía e sen bagaxe no noso idioma".
• Twitter en galego: categoría de proxecto de dinamización lingüística. Promovido por Carlos García Vieito, por "o proceso de tradución para configurar esta plataforma social na nosa lingua fornece un referente nas redes sociais para o público xeral e para a mocidade en particular".

 

Ligazóns externas

• Páxina web do Premio Arquivado 16 de marzo de 2018 en Wayback Machine.