Pedre, Cerdedo-Cotobade: Parroquia civil do concello de Cerdedo-Cotobade
Santo Estevo de Pedre é unha parroquia do concello de Cerdedo-Cotobade.
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Segundo o INE, en 2010 tiña 215 habitantes (115 mulleres e 105 homes), 5 máis có ano anterior e 24 máis ca en 2005.
| Pedre | |
|---|---|
 Igrexa de Santo Estevo de Pedre. | |
| Concello | Cerdedo-Cotobade |
| Provincia | Pontevedra |
| Coordenadas | 42°31′47″N 8°26′05″O / 42.5296039, -8.434719838°26′05″O / 42.5296039, -8.43471983 |
| Área | 4,3 km² |
| Poboación | 140 hab. (2019) |
| Densidade | 32,56 hab./km² |
| Entidades de poboación | 3 |
| [ editar datos en Wikidata ] | |
Patrimonio
Pedre é unha terra de canteiros e un dos máis destacados foi Tiburcio Álvarez, nado a principios do século XVIII. Álvarez traballou na igrexa de Pedre no ano 1767. Xunto cos seus veciños Pedro Bugallo pai e fillo, fixo as escaleiras dos coros alto e baixo así como o enlousado da igrexa.
A igrexa de Santo Estevo de Pedre é anterior ao século XVII. No adro, fronte á igrexa, hai un relevo de estilo gótico que data dos séculos XV e XVI, representando a Crucifixión e a Adoración dos Reis Magos, que probablemente estaba situado na fachada da igrexa.
No lugar de Quinteiro de Salgueiro está a chamada Casa Grande que foi feita na época da Inquisición e data do ano 1600.
Formando parte do antigo camiño de peregrinos atópase unha ponte de tres arcos.
Na Eira Grande pódense ver oito canastros, a maioría de dous claros, e algún deles pertencen a dous veciños ou máis. Na mesma eira hai outra máis pequena chamada a Eira do Pallal, onde se xuntaban os veciños para mallar o centeo, con cinco canastros, todos restaurados.
En Vichocuntín hai unha ponte dun arco rebaixado duns 35 m de longo e 25 de alto, con varandas de pedra concertada e lucida, construída a mediados do século XIX como parte da estrada entre Pontevedra e Ourense. Na aldea hai tamén un peto de ánimas cun cruceiro.
En Serrapio sitúase a capela de San Lourenzo de estilo barroco do século XVIII, de planta rectangular, portada adintelada, pináculo nos extremos e espadana central de dobre corpo.
Accidente
Na parroquia de Pedre, entre os lugares de Vichocuntín e Pedre, botouse fóra da estrada un autubús de pasaxeiros na Noiteboa de 2022, deixando tres mortos e catro desaparecidos (accidente da ponte nova de Pedre).
Galería de imaxes
-
Ponte sobre o río Lérez. -
Hórreos e cruceiro en Pedre. -
Serrapio. -
Capela de San Lourenzo en Serrapio. -
Capela de San Lourenzo en Serrapio.
Lugares e parroquias
Lugares de Pedre
| Lugares da parroquia de Pedre no concello pontevedrés de Cerdedo-Cotobade | |
|---|---|
| Pedre | Serrapio | Vichocuntín |
Parroquias de Cerdedo-Cotobade
Notas
Véxase tamén
Outros artigos
Ligazóns externas
- "Arquitectura popular en Galicia. Tierra de Montes". Arte y tradiciones populares. TVE, 1984.
This article uses material from the Wikipedia Galego article Pedre, Cerdedo-Cotobade, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.