Partido Comunista De Austria
O Partido Comunista de Austria (en alemán: Kommunistische Partei Österreichs, ou KPÖ) é un partido comunista austríaco.
Fundado en 1918, foi prohibido entre 1933 e 1945 baixo o réxime austrofascista, e o dominio alemán en Austria na segunda guerra mundial. Tivo un importante papel na resistencia contra os nazis e o fascismo.
| Partido Comunista de Austria Kommunistische Partei Österreichs | |
|---|---|
| Partido político de Austria | |
 | |
| Dirixentes e organización | |
| Líder | Dirección conxunta de Melina Klaus e Mirko Messner |
| Filiación internacional | Partido da Esquerda Europea |
| Historia | |
| Fundación | 3 de novembro de 1918 |
| Posicións políticas | |
| Ideoloxía | Comunismo Eurocomunismo |
| Outros datos | |
| Sede | Drechslergasse 42 A-1140 Viena |
| Na rede | |
| http://www.kpoe.at/ | |
O partido publica un periódico chamado Volksstimmen (anteriormente Volksstimme) e preséntase ás eleccións, porén, non tivo representación parlamentaria federal dende 1959. Despois de perder o seu último representante no parlamento estatal, en Estiria en 1970, converteuse nun movemento marxinal con escasa importancia política. Nas eleccións celebradas o 22 de novembro de 2002 para o Consello Nacional, conseguiu só o 0.56% dos votos (27.568 dos 4.909.645), moi por debaixo do 4% mínimo para ter representación no Consello Nacional. Porén, conseguiu un 20% dos votos nas eleccións locais de Graz, no 2003, conservando esta fortaleza no 2012, e no 2005 volveu por primeira vez en 35 anos ao parlamento estatal, despois de conseguir o 6.3% dos votos en Estiria.
Forma parte do Partido da Esquerda Europea.
Eleccións recentes
| Resultados das últimas eleccións | ||
|---|---|---|
| Ano | Localización | Porcentaxe de votos recibidos |
| 2006 | Austria | 1.01% ( 0.45%) |
| 2005 | Viena | 1.47% ( 0.83%) |
| 2005 | Estiria | 6.32% ( 5.31%) |
| 2004 | Europa | 0.78% (¿  ?) |
| 2004 | Carintia | 0.6% (¿ ?) |
| 2003 | Alta Austria | 0.80% (¿ ?) |
| 2003 | Baixa Austria | 0.77% (¿ ?) |
| 2004 | Tirol | 0.70% (¿ ?) |
| 2002 | Austria | 0.56% ( 0.08) |
Despois de chegar ao seu mínimo histórico na maioría das eleccións da década de 1990, o KPÖ recuperou pouco a pouco. Dende o 2 de outubro de 2005, o partido está representado con catro escanos en Estiria. Debido a este éxito rexional e á repercusión que tivo nos medios de comunicación, o KPÖ logrou o 1.47% dos votos nas eleccións de Viena do 23 de outubro de 2005. Esta duplicación dos votos debeuse en parte en que se rebaixou a idade mínima para votar aos 16 anos, por primeira vez. O partido conseguiu de novo representación nos distritos, algo que non lograba dende 1991.
Notas
Véxase tamén
| Wiki Commons ten máis contidos multimedia na categoría: Partido Comunista de Austria |
Ligazóns externas
This article uses material from the Wikipedia Galego article Partido Comunista de Austria, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.